قصيدة : صارت الشيعه يتامى
للشاعر : كرار حسين الكربلائي
: ليالي استشهاد امير المؤمنين (ع)
: ليلة 22 رمضان 1435 هـ
: حسينية داود العاشور البصرة ابي الخصيب
طور : #وازينباه

آه يا علي .. آه يا علي
صارت الشيعة يتامه .. آه ياعلي
▪️▪️▪️▪️▪️
يا علي الفگدك بجت عين السموات
رايح و كل ذكرياتك تبقه آهات
و اليناشدنه عليمن هالمواساة
نگله صرنه ايتام ابونه المرتضى مات
راح الولي .. راح الولي
يا ألف حيف و وسافه .. راح الولي
▪️▪️▪️▪️▪️
يا علي بدعوة يتامه نندعيلك
من جرح بعدك يبونه نشتكيلك
من يمسنه الضر يحيدر نعتنيلك
هسه وين نروح لا ترحل دخيلك
ما ينجلي .. ما ينجلي
حزنك بگلب الموالي .. ما ينجلي
▪️▪️▪️▪️▪️
من عفتنه و للمصايب هبت الريح
و اعله جرحك يا ولينه النوح تسبيح
من يصدگها يقالع خيبر اتطيح
هذا دم العرش لو دم راسك يسيح
ظل يعتلي .. ظل يعتلي
اعليك آذان المناحاة .. ظل يغتلي
▪️▪️▪️▪️▪️
يالجنت كوكب تضوي الدنيه بضواك
صعبة من نگول جلمة الله وياك
و بليالي القدر يا حيدر فگدناك
نبجي حتى مطلع الفجر اعله فرگاك
و اتمهيلي .. و اتمهيلي
طولي يا ساعة وداعه .. و اتمهيلي
▪️▪️▪️▪️▪️
انته سلطان الوجود و ترحل شلون
يا علي من ريت بعدك ماكو لا يظل كون
يا ضوه العينين وياك اخذ العيون
عايف الشيعة يتامه عليك يبجون
و اتوسلي .. و اتوسلي
ادعي يا روحي البقائه .. و اتوسلي
▪️▪️▪️▪️▪️
يا علي اعليك المناحه سرمديه
ما نفعنه الصبر يا حامي الحميه
باقية هاي المجالس حيدريه
هالحزن شوكه بعيون الناصبيه
انه و هلي .. انه و هلي
فدوة لترابك يحيدر .. انه و هلي
▪️▪️▪️▪️▪️