مولودي: نورك يشع الفضا
الشاعر: هيثم سعود الكربلائي
المناسبة: ولادة الامام الحسن المجتبى ع
من نورك يشع الفضا .. يا روح المرتضى
يا مولاي يا مولاي يالمجتبى
انت مولاي .. رحمة الله الواسعة
نجمة بسماي .. عالكواكب ساطعة
فرحتك هاي .. بالسماء السابعة
والملايك بيه تشارك خل نبارك
فاطمة وحيدر .. بمولدك شبر
بمولدك شبر .. فاطمة وحيدر
محفل اليوم .. بالوليد ابكوكبه
بسمه موسوم .. رابع اصحاب العبه
تزهر انجوم .. مرجلة وعز وإبه
حسنه كامل بالشمايل والفضايل
والنبي جوهر .. والحسن مظهر
والحسن مظهر .. والنبي جوهر
اغلى محبوب .. والگلب باسمك يدگ
هايم ايذوب .. مثل شمعة وتحترگ
طبع الگلوب .. تنبض ابلحن العشگ
لحنه حبي دربه دربي يدري ربي
حبك الاطهر .. والعشگ يكبر
والعشگ يكبر .. حبك الاطهر
بين الأطهار .. من رياض الطاهرة
فاحت ازهار .. من مكارم مزهرة
سالت انهار .. بالعفو والمغفرة
بالهداية يجري مايه والولاية
فرعك المصدر .. ساقي الكوثر
ساقي الكوثر .. فرعك المصدر
هدا رمضان .. منتصف وانته بدر
مولدك جان .. اشبه ابليلة قدر
رحمة واحسان .. عالخلايق تنحدر
انت رهفه ربنا عطفه زاد لطفه
لاجلك ويكثر .. للبشر يزهر
للبشر يزهر .. لجلك اويكثر
انت قران .. والصدر بيك انشرح
محفل ايمان .. نشكر الله بالفرح
تزهي الوان .. يالحسن قوس وقزح
يا ولينه الدنيا زينه والمدينة
ابوجهك الانوار .. عالخلگ تفخر
عالخلگ تفخر .. بوجهك الانوار
مولدك نور .. يا كريم آل النبي
فرحة وسرور .. كل محب يتباهه بي
بينه مذخور .. غصباً اعله الناصبي
والنواصب خل تراقب هالعواقب
شانئك يخسر .. والمحب يستر
والمحب يستر .. شانئك يخسر
وانته مظلوم .. سيدي بطول الزمن
الشامته تلوم .. ليش صالح يالحسن
وانته ملزوم .. بالصلح تطفي الفتن
من تسالم ما تساوم وانته عالم
صلحك القرر .. يوم ابو الاكبر
يوم ابو الاكبر .. صلحك القرر
رد مع اقتباس