قصيدة : المآتم الحيدرية
للشاعر : علي حسين البحراني
: ليالي استشهاد امير المؤمنين (ع)
: ليلة 19 رمضان 1435 هـ

مأتمنه بذكر حيدر
تظل معمورة للمحشر
▪️▪️▪️▪️▪️
علي ذكره عبادة تقوّي ايماني
علي ذكره طهارة تطهر الساني
علي و لمن اذكره يحيي وجداني
و احس روحي تهيم بعالمه الثاني
ألم نشرح لك صدرك
علي منعاها و الجوهر
▪️▪️▪️▪️▪️
مآتمنه على الكرار و اصوابه
على حسين الشهيد و ذبحة اصحابه
علي ذكره عمود الدين و اطنابه
ثبات الدين آه يحسين و مصابه
علي منبع ولايتنه
نهرها دم ابو الأكبر
▪️▪️▪️▪️▪️
يقيناً بالمآتم تحضر الزهره
مثلها دموعي تجري و تغسل الطبره
اصيح من القهر و الضيم و الحسرة
يربي العن ابن ملجم الف مره
عقيدة باللعن عندي
على كل ظالم اتجبر
▪️▪️▪️▪️▪️
ربيت اعله المآتم و اللطم و الهم
افارگها و احس بحالتي ميتم
على مصاب الامير و طبرته و الدم
عقد رب السمه فوگ العرش مآتم
نعه جبريل ابو الحمله
جفن عرش السمه استعبر
▪️▪️▪️▪️▪️
اجيت و دمعتي من فايض بحوري
و يفرح صاحب الثارات بحضوري
انه طور النياحه ينحسب طوري
اصفن عالنواعي و وني عاشوري
و انه من الطم بصدري
اذكر راسه المطّبّر
▪️▪️▪️▪️▪️
انعه يا قرين النيابه انعه
الملايك تسمعك من سابع السبعه
على راس الموالي تمسح البضعه
و تحمل للامام المرتضى الدمعه
دموعك شمعه وهاجه
بضواها يدحر المنكر
▪️▪️▪️▪️▪️
اذا ضحت حناجرنه و گضت الاعمار
مناحرنه تنادي يا علي الكرار
مأتمنه تظل ما دامت الأقدار
يحرسها النبي و الحجة راعي الثار
يمهدي طالت الغيبة
مته من غيبتك تظهر
▪️▪️▪️▪️▪️