قصيدة : ويه اهل البيت قوي الرابطة
للشاعر : أبو فاطمه العبودي
: ليلة 10 رمضان 1430 هـ
: حسينية الرسول الأعظم الكربلائية - الكويت

ويه أهل البيت قوي الرابطه
بينك و بين الله هم الواسطه
▪️▪️▪️▪️▪️
يالتعرف الدنيه مگضيه و تزول
لا تغرك و إستمعلي اشراح اگول
آني أوصيك إلتزم بآل الرسول
و گلبك ابحبهم الصافي نشطه
▪️▪️▪️▪️▪️
الله خصهم بالفصاحه و الفهم
و النباهه و الشجاعه و الحلم
و النبوه و الإمامه و العلم
و جعل إلهم أجل و أطهر خارطه
▪️▪️▪️▪️▪️
الله ما يقبل صيام ولا صلاة
لا خمس لا حج ولا بر و زكاة
ابلا ولاية للنبي و آله الأباة
و بولايتهم مصيرك ضبطه
▪️▪️▪️▪️▪️
فرصه هاي و گوم ليها إغتنم
همّ حبل الله ابهداهم إعتصم
من تلازمهم أخبرك لا تهم
قصرك بجنة عشگهم خططه
▪️▪️▪️▪️▪️
إتمسك بآل الرسول الطاهرين
حتى باجر تصبح من الفائزين
إبليس ما يغوي ابخداعه المؤمنين
و ربك إعليهم أبد ما سلطه
▪️▪️▪️▪️▪️
همك إبحبهم أخبرك ينجلي
و بيهم إسأل الله كلما تختلي
من تطيح إبشده إندب يا علي
و بجميع أسمائهم خط يافطه
▪️▪️▪️▪️▪️