قصيدة : دمع اليتيم
للشاعر : السيد عبد الخالق المحنه
: ليالي استشهاد امير المؤمنين (ع)
: ليلة 20 رمضان 1435 هـ
طور : #ألم_السنين #راهب_العشيرة #طريقنا_طويل


يا دنية الندامه .. صبرج على اليتامه
عرش الله يهتز لو نزل دمع اليتيم
▪️▪️▪️▪️▪️
كلشي حسبته و مستعد للدمع
كل فترة دلالي بخبر ينصدع
بس ما اجه ابالي علي ينصرع
حبل الله و شلون الحبل ينكطع
يا بو الوفه دخيلك .. مستعجل برحيلك
ينده دخيلك يا علي صوت اليتيم
▪️▪️▪️▪️▪️
زينب حزينه و تنتظر جيَته
ساعة و اجاها مخضب و شافته
صاحت يبويه و ركضت و شبكته
ينزف دمعها وي دمه هامته
من تنحب اعله صدره .. حتى الحجر تفسره
يا حيدر يفسر الحجر ون اليتيم
▪️▪️▪️▪️▪️
يا زينب و غيم المخاطر لفه
آيس طبيبه و جرحه ماله شفه
ظنيتي دهرج بالزجيه اكتفه
منا يزينب تبتدي العاصفه
يا عصاف المصيبة .. صبرك على الحبيبة
باجر يزينب ينفجر صبر اليتيم
▪️▪️▪️▪️▪️
نادت يبويه من يسد خلتك
من يحمي زينب يا علي بغيبتك
نادى يبو فاضل دمد يمنتك
بويه امانه زينب بركبتك
لا ينضرب متنها .. لا ينترك ظعنها
يجرحني لو من الخطر صاح اليتيم
▪️▪️▪️▪️▪️
كله يحيدر زينب بذمتي
محد يمسها حد كطع ركبتي
روحي العزيزه فدوه دون اخوتي
بويه و رضه زينب يظل غايتي
خل تشهد الوديعه .. موعدنه عالشريعه
يوم اعله جسمي تعاين اعيون اليتيم
▪️▪️▪️▪️▪️
ريتك يحيدر بالطفوف اتحضر
و تشوف ابن جوشن يحز بالنحر
و شكم ضلع من الحبيب انكسر
كل حافر بصدره يخلي اثر
و اطفاله بالبوادي .. يا با الحسن تنادي
يا ويلي يكسر يا قلب حال اليتيم
▪️▪️▪️▪️▪️
لو تنظر الـ زينب يحامي الحمه
كل اليشاهدها يسب فاطمة
تنده يبو فاضل انه بموزمه
وحدي يخويه و العده ناقمه
لا ما اجو اهلها .. و تعذر الكفلها
خل يصبغ وجوه الأبل دم اليتيم
▪️▪️▪️▪️▪️