قصيدة: نبي الرحمة
الشاعر: واثق العيساوي
اصدار: مناجاتي

بين الناس ... نظرتك و البسمه
للعيون الدامعة ترسل سرور
نبض إحساس ...و بعيونك رحمه
مملكة خلقك سقط عرش الغرور

غايتك رحمتك ...تسحر كلمتك
إنته للمذنب نبي الرحمة يا نبينه
نور وجهك بدد الظلمة هل العلينه
و بعطف كل جاهل تعلمه أصل دينه
يا صفات الباري يا حلمه يا حنينه
كهفك ملاذ الكل قلب حاير
كفك طبيب انته الحبيب

حقي من أنفتن .. و العطفك أحن
بحر عطفك تسحر أمواجه القاصد إله
يا فنار انوار وهاجة ينّور الليله
مرسه رحمه روحي تحتاجه و تلتجي له
قلبي ليك إسراءه و إعراجه يا خليله
ما بين قلبي و الضلع صاير
لا مو بعيد انته الوحيد

غّيرت و إخلدت .. بأخلاقك چنت
للفقير الما عرف راحه صرت بسمه
لليتيم الكبرت إجراحه انته نعمه
صرت للمظلوم أفراحه تجلي همه
باب قلبك رحمه مفتاحه مملي رحمه
الرأفة بين عيونك تسافر
كفك رحيم خلقك عظيم

مو نسب بالأدب .. سويت العجب
أدّبك ربك كلمه ترويها يا محمد
أجيال بعدك تقتدي بيها إلها مقصد
التربيه اللي إبدعت فيها ظلها ممتد
ابشخص الحسن و حسين تلقيها حق تجسد
بحر التواضع و الأدب زاخر
أصدق مثال هذا الكمال