قصيدة : طال الوعد طال
كلمات : جابر الكاظمي
اصدار : #اين_الطالب

طال الوعد طال .. يا موعود يا موعود
▪️▪️▪️▪️▪️
يالمنتظر حكم القدر محتوم
دمعي كتب هذا العتب واللوم
يا بن الحجج متى الفرج يا يوم
نحمل صبر ندري الأمر مقسوم
ما ظلت آمال .. يا موعود يا موعود
▪️▪️▪️▪️▪️
يبن الحسن صوت السنن ينخاك
وانت تعلم يصعب ألم فرگاك
طال الوعد يالـ بالشدد ردناك
هجرك صعب يالـ بالقلب مغناك
دمع العتب سال .. ياموعود يا موعود
▪️▪️▪️▪️▪️
بين الظلم عيشة بهضم شتفيد
غير الوفة والمعرفة مانريد
اليزرع جهل يحصد فشل تأكيد
تاج الفهم لأهل العلم تخليد
ويفيد الأجيال .. يا موعود يا موعود
▪️▪️▪️▪️▪️
كل تجربة وكل منقبة عرفنه
بالمجتمع بس الخدع شفنه
من الطاغية كم خافية كشفنه
لأجل الهدف كعبة شرف طفنه
ركن الصبر مال .. يا موعود يا موعود
▪️▪️▪️▪️▪️
دار الفلك نتأملك ونگول
عن هالمحن ابن الحسن مسؤول
بقيد الام نهج القيم مغلول
ومن الحزن دمع الجفن مهمول
هالدمع همال .. يا موعود يا موعود
▪️▪️▪️▪️▪️
يا بن الجره فوگ الثره دمه
نجري الدمع للمنصرع جسمه
بين الاسل غاب وافل نجمه
بلوح القيم خط القلم اسمه
جدك بهالحال .. يا موعود يا موعود
▪️▪️▪️▪️▪️
بگلبه ثبت حزنه ونبت بحشاه
تالي غدرت وتكدرت دنياه
گلبه انفجع جبده انگطع بضماه
حيلة بضهد ما ظل سند وياه
بس حرم وأطفال .. يا موعود يا موعود
▪️▪️▪️▪️▪️