قصيدة : أنا ام البنين و عهدي وفيته
كلمات : جابر الكاظمي
اصدار : يا ام البنين

انه أم البنين وعهدي وفيته
و بـالاربعة لگلب الزهرة واسيته
▪️▪️▪️▪️▪️
انا ام البنين الما خطيت الراي
آنه الما گِطَعْت من الأمل رجواي
ربيت اربعة و ما ضاع تعب رباي
كل واحد سَند للشِدد خليته
▪️▪️▪️▪️▪️
شُبّان أربعة و بيهم رفعت الراس
صِرِت أفتخر بيهم بين كل الناس
طليعة هاشم و شمعتهم العباس
ما بين الجفن و العين ربيته
▪️▪️▪️▪️▪️
شلون أربعة و بيهم كل وِلَم ينزال
أبوهم حيدر الينضرب بيه الأمثال
أسد و الأسد لو خَلَّف يريد أشبال
واحدهم علي باوصافه و بوصيته
▪️▪️▪️▪️▪️
شلون أربعة و إلهُم شاعت الأخبار
رفعوا للمعالي و للفخر شنيار
واحدهم تشوفه تگول حامي الجار
هـيـبة علي هذي و هذي تربيته
▪️▪️▪️▪️▪️
شبيبة و لو مشوا بيهم تروط الگاع
و بديوان غالب خُبَر إلهُم شاع
تعبت سنين إلهُم و التعب ما ضاع
وياهو العمر لحظه بلحظه عديته
▪️▪️▪️▪️▪️