قصيدة : تصيح ام البنين
كلمات : جابر الكاظمي
اصدار : يا ام البنين

تصيح أم البنين الهم لفاني
بعد شيريد من عندي زماني
▪️▪️▪️▪️▪️
تصيح أم البنين الفاجدة الراي
زماني شراد مني اشعنده وياي
أخذ أربعة بدوري و شمس دنياي
بقيت على الدرب أنطر و أتاني
▪️▪️▪️▪️▪️
أناطر عالدرب جية ظعنهم
أشوبح و أنشد الركبان عنهم
سفرهم طوَّل و لا خُبَر منهم
خُبَر ما اجه و لا طارش لفاني
▪️▪️▪️▪️▪️
نِذِر لو شِفِت طارشهم عَلَي مر
ورد أزرع بِيْدا و أترس البر
و اصيحن توة مصباح العمر طار
رجع ظعن الحمولة و مانساني
▪️▪️▪️▪️▪️
صدگ ظعن الحمولة تشوفه عيني
صدگ ويلادي ترجع لي و تجيني
صدگ اتنومس بشوفة بنيني
صدگ يرجع زماني اللي جفاني
▪️▪️▪️▪️▪️
مشوا عني مِشَت روحي بأثرهم
اشعجب ماردّوا و طوَّل سفرهم
أظن ويلادي حاربهم دهرهم
و رماهم نفس السهم اللي رماني
▪️▪️▪️▪️▪️
أَحِن و حنَّت الناقة على حالي
الليالي شخلت بگلبي الليالي
أنا بيا عين أشوف الدار خالي
ياريت انهدم داري و المباني
▪️▪️▪️▪️▪️
أهـيمن بالبوادي و تهمِل العين
أصيحن وين أدري الوجه لاوين
أضحّي الأربعة و خل يسلم حسين
شجاني مساهرة عيوني شجاني
▪️▪️▪️▪️▪️
يهل تنشد اخذ الخُبَر عني
صِحِت ميهمني بنيني تروح مني
رِدِت سالم يرد لي حسين ابني
مصاب حسين وحده اللي دهاني
▪️▪️▪️▪️▪️