هنا

[ارجع يازمان]

من عجائب الشعر
قصيده تاريخيه اكثر من 50 بيت وبدون نقاط وبقافيتين
*القصيده*
ما لاحك سهر ,, عالساهَر الطرواك
وحاسدها الحسود !! الحاله محسوده!!
,
الكالوا ما دَروا !! ملكاها ما هَماك!
والروح الصدودك ,, هسه ممروده!
,
طراها الدمع ,,,, والدمع ما طراك!
معدوم الأمل !..والدمعه مكروده!!
,
راح أرسل سلام.. وما أهم لولاك!
وأمال الوَصل!!... ما عدها مَوسوده!
,
مرسال العسل _ كال الهواك أهواك!
ما أرسل مرار !!,, الحاله معهوده!
,
وأرسملك رسم هاكد حلو المحلاك
واصدار الرسوم,, الحلوه معدوده!
,
(واحد) للسواعد ,,, سَطرالوعداك
(وما واحد كدر) , لمساطر اِردوده!!
,
لو عطر الورد .. مو عالورد دلاك!
مارَده الهوه !!.. وهالرَده مردوده!
,
وَسع صدرك واِسمع صدى الراداك
مو كل كلمه الك مسموعه مكصوده!
,
ولا كل لؤلؤه السعرك على مسراك
أكو وسواس!! سوه العدله ملحوده!!
,
احساسك امدمرك .. عل وهَم وداك
ومحدد ألم !!.. ومسكر احدوده!
,
لو ساسك عَدم ,, لو عالرمل وصاك
دارك على راسك,,, هسه مهدوده!
,
إسمع هالكلام ,,المر على مرساك
الما كادح الكاعه,, الصدمه محصوده!
,
ومو كل السهول,, إموطئه المسلاك!
كاعك سهله, لوما عدها /صاعوده!
,
وحاول لا ملامه ...الهمك المَساك
لأصرار الهمم ,,كل صعده مصعوده
,
ولو حل الحصاد, الكَدك ومسعاك
الرحه الحلالك .. هدها حاصوده!
,
اعمل عالأصول,, اسلامك الوصاك
والسامع الدعوه,, إموصل اعهوده
,
كَادود الكَرم ,,, لو عالأكل لماك!
المَدح مو للأكَل,, اِمدح الكادوده,
,
والكَلك أسراره... وما سرد سراك!
لو سمعوها ! صار أسراره مسروده!!
,
ولمواصل أرحامك ,,, أكَد السَواك
ما راد الكَعد... ومواصل إكعوده!!
,
العادل لو حكم سَر الأهل واِعداك!!
والكل الأوادم ,, رحمه موعوده!
,
ما واحد الدام... إمراحل الدهراك!
مَحمول السؤاله ,, ومأكَل الدوده,,
,
دام امودع ,, وما دام الك وطراك!
رد وعَدك ال الله ,, الرَده مَسعوده!
,
السمل لو (عالحلال) إمكَرم السملاك
ولو مال الحرام (الهدمه) مسروده!!
,
وحاول لا عداوه.. اللامك ورداك!
والما كسر عودك_ اِحرص العوده!!
,
ولو طك الرصاص... ودَمرالأملاك
إحمد الله... سَلم صحه مرصوده!!
.
إرحم روحك أول.. وأصرع الراماك
واللوح الدروع.... الطَكه مصدوده!
,
هادود السلاح ,,,,,, إمهدد الهداك
وراداله السلامه ,, الهدله هادوده!
,
طَول عالرمح__ عامودك الرمحاك
مالاح العدو ... الما عَله عاموده!!
,
وما همه الرمه الكاعد وره الأسلاك
وأسهام العِده ///الصداها صادوده!
,
ومو كل السهام/// إمصاعَد الكَدراك
مَكروه السهم / لو طكله مهموده!!!
,
عاهد للمُطارد ....لو وصل حداك
وعارك للدهر,, لو صكه طاروده!
,
والما وصل رده... الردك وسمعاك
مصدوم الكلامه ! ,,امحطمه رادوده!
,
والطارد الراحه ,, وهَمهَم الملكاك!
هَمهِمله الوصاله , الراحه مطروده!
,
صاحك عالوَصل , مو عالكِطع صاحاك
السد وصل الوئام ,, اصروحه مسدوده!
,
ومو كلها سوه !! وماكو الكَلك هاك!
وأهل المكرمه.. الهل وَصله محدوده!!
,
الوادم عالدراهم ... مصلحه الوصلاك!
والكلمه الصدك!,, كلسلعه مَكسوده!!
,
صارالك ( وَدود) ومرلك الداراك!
ولأطماعه المَوَدَّه (هسه) مَولوده!
,
إكرم للكصد دارك.. وِصل مأواك
علمكدور اله ... وعِد الله محموده
,
ومو اِله الطعام .. امعَدد الدعواك!
ما مَس الكرم.... لو أكله معصوده!
,
واصل لك علم ..... كالوها عالإدراك
المهره الأصل __ للكدهه مصعوده!
,
سَمع للمسامع ,, عِلمك وكَصداك!
والِمكَطِع كلامه ,, الكَطعه مَعموده!!
,
العلا مودك طرح / اعداءك وعلاك
اطرح طولك /الطوله/ وعَله موده!!
,
الصارالك درع/ صعده على الواساك
ما ساوه الكطعها / الروحه مَعكوده!!
,
والراسل ورد , ولكل أمل عَداك!!!
لو كل العطر .... ماساوه لوروده..
,
واللمسه العملها ,,الرسمك وحلاك
ما دك ولا دكه,, امسرده وسوده!
,
والهمسه الهمسها , امهامس الهمساك!
رادك للعمر ... مو راده عالموده!
,
والوارد الك ,, لو عالمَسَه ومَساك!
مساء الروعه كِله.. ومَحله مَوروده!
,
والدَور ودادَك ,,, والصِدك وَداك!
الطول الدهر,, حط روحه مَودوده!
,
وعلحلوه* والمره* اسعَه للسَراك
والما رد وعد !!.. اسعاله لوعوده!
,
والصدلك ارماح .. الروحك ومرماك!
ارسل له السلامه.. الروحه ممدوده!
أرسل له السلامه,, الروحه ممدوده
حسين االساعدي

[ضياء كاظم المياحي]

وفقــــكم_آللــــه

[صقر عراقي]

الحقيقة تقال
هذة القصيدة لاكل واحد يدبرها بهذا الشكل
كلمات شعبية من عمق الحسجة
تسلم يمينك ايها الشاعر المبدع
حسين الساعدي

[ارجع يازمان]

وفقــــكم_آللــــه

الموفقيه للجميع