السلام عليكم ورمضان كريم،
آني إلياس من البحرين، صارلي فترة أتصفح درر العراق لأنه من أفضل المصادر اللي ألاگي بيها كلمات اللطميات اللي أسمعهن، بس ما كان عندي حساب. اليوم قررت أسوي حساب لأن صارلي فترة أريد أتعلم اللهجة العراقية، فگلت أسوي حساب هنانة حتى أتفاعل ويا ناس يحچون عراقي، ويمكن أتعرف وأتصادق ويا چم شخص. تلاحظون إنو آني أحچي عراقي مكسّر لأن بعدني أتعلم، فأتمنى تصححولي.
أتشرف بمعرفتكم وأتمنّى نصير أصدقاء!
عزيزنا إلياس
حياك الله واهلا وسهلا بحضرتك
ويسعدنا تواجدك معانا
واما بخصوص اللهجة العراقية
فما اعتقد اكو فرق بينها وبين اللهجات الخليجية الاخرى
فهي متشابهة الى حد كبير
الله يحييك حبيبي.
إي، أكو فرق بين اللهجات الخليجية، بس مو لدرجة إن اللهجتين ما ينفهمن، حتى لو أكو كلمات مختلفة أو تغييرات بالقواعد والمصطلحات.
مثلاً، اللهجة الكويتية قريبة من اللهجة العراقية، خصوصاً البصراوية.
بس أكو لهجات خليجية بيها اختلاف واضح عن اللهجة العراقية،
خصوصاً لما تقارن اللهجة البحرينية باللهجة العراقية.
إذا تريد، أگدر أعلمك على بعض الاختلافات بين اللهجتين اللي تعلمتهن.
أهلا وسهلا ومرحبا بك يا الياس..بالعكس خوش تحجي باللهجة العراقية ...حياك الله ...وحيا الله شعب البحرين الشقيق
الله يحييك حبيبي، نورتني بكلامك الحلو، وربي يديم المحبة بينا
مية هلا بيك صديقنا إلياس سعداء بـ انظمامك ويانه وان شاء الله تفيد وتستفيد
هلا والله بأهل البحرين
منور أخي نتمنى لك حضور مميز هُنا
لا يا صديقي اني ذكرت انه ماكو اختلاف كبير بين اللهجتينالمشاركة الأصلية كتبت بواسطة elyasrahimi
وإلا الالفاظ ونطق الحروف فاكيد فيها اختلاف
فمثلا نحن في العراق نلفظ حرف الغين
بينما الاخوة الخليجيين
يلفظون حرف الغين (( ق ))
وهكذا
وحتى نحن في العراق ايضا عندنا اختلاف في اللهجات
فلهجة المناطق الجنوبية تختلف عن لهجة المناطق الغربية
بس بشكل عام اقرب لهجة للعراق هي اللهجة الخليجية
هلا وغلا، ممنون،وإن شاء الله نكون عون لبعض!
هلا وغلّا، منور بنورچ، تسلمين والله!
رد مع اقتباس