هنا

[ارجع يازمان]

راحت تغيب الشمس
ساعه و يصير إفطار!
.
وبيتي ماضل فلس
وانوب اجو خطار!
.
ومالك البيت الشرس
ما همته الاعذار!
.
ابابي يردس ردس
ايطالبني بالايجار!!
.
ليش الوكت ما يحس!
شو جنه يطلب ثار!
.
بالفرحه كلش نحس
بس بالهموم إكثار!
.
ساتر عليه اللبس..
ريحة عدل بالدار!
.
لا بالعرب لا فرس
مثلي ابحياته احتار!
.
حضي الأعلمه الدرس
ما لاحِك الشطار!
.
بس بالفقر منغمس
ما صاحب التجار!
.
من يشتري أخر نفس؟
بي من كبل تذكار!
.
بي امنيات العرس
بس العرس ما صار!
.
بي لهفه من الأمس
تلكوها .. بالأشعار!
موجوده .. بالاشعار
حسين االساعدي