دارمــــــــــيــــات
دارمــــــــــيــــات
لليمشي ابد ما صيح لو يدنه موتي
المايرده الزاد شيرده صوتي ....؟؟
ريحة عدل ضليت حيلي ارتخه وضاع
وياكل ابجسمي الدود وآنه امشي عالكاع
بالك اغاتي اتكول للموش اغاتك
خافن يزل ويصير شص بلهاتك
للخوه باني قصور من صاروو شيوخ
ومن طحت مابيسواش كالوا جرد كوخ
مثل السمج وياك بطباعي لليوم
تاكل بروحي اسنين بس ابقه مذموم
ياوسفه بالموخوش يتوسل الخوش
والمابع اصغر صار من هيبة الطوش
لاتهم لو هالناس شخصك تذمه
ماسلمت من اللوم حتى الايمه
مضل اخو وتنخاه يكسم رغيفه
إلا بحلالك كون ياخذ نصيفه
جنت افرض بديوان وبشور يمشون
وهسه انكل الفنجان لمن يكعدون!!!
ابكلبي شايل طيب خلاني عالي
ولو جاني ملج الموت مارده خالي
رد مع اقتباس
