كلمات لطمية ( سبب موتج )
كلمات الشاعر : حيدر نوري الأسدي
اداء الرادود : حيدر البياتي
حيدر البياتيگرب موتچ عليچ بدون الاعزاز
ومشة نعشچ غريب بلايه جناز
سبب موتچ حبيبين
ابو فاضل والحسين

المن درتي عينچ من دنت ليچ المنية
وانتي اخوانچ مذبحيهم ورحتي سبية
كل احلامچ حسينيج يجي بذيج المسية
شيجيبه الگصر طولة بحوافر اعوجيه

جسمه مطشرينه بكربلة الناس
ظلوعة من السحگ وصلت العباس
مگطعيهم تشوفين
ابو فاضل والحسين

شكثر مشتاگة للكافل يحظرچ يالحزينه
بيمينة يغمض عيونچ قبل لا تطفة عينه
اله موقف اخذ حيلچ ابو الروح الحنينة
زحف جسمه ورة الناگه يريد تودعينه

حچة حچاية الگمر اذتچ هواي
علي سبيچ اشد من سهم عيناي
نسبيتي وعندچ ثنين
ابو فاضل والحسين

اليشاهد ذبحة اخوانه ابد ما يغفة ليلة
شلون تغمض عيونچ والمصايب ثگيلة
واصعبهن بعد موتج رغم صرتي نحيلة
تابوتچ بقة يباوع اخو ماكو اليشيلة

بقه نعشچ يريد متون الاخوان
مثل عازتهم بطبة الديوان
ما يرضوه تدرين
ابو فاضل والحسين

حتى من بعد دفنچ الشام شگد عجببة
اعله گبرج كتبت الوادم ختشيل الغربيه
بشر ينطرد من گبره هاي اعظم مصيبه
ولهسه صوتچ ينادي اخوي منين اجيبه

اذاچ الزمن يا زينب اذاچ
حتى من بعد دفنچ قسة وياج
بگبرج راح تلكين
ابو فاضل والحسين