*حاله غريبه*
أخاف اعليك من فطنات العيون
وأدري ابفطنة الشاعر مصيبه!
.
أريد اخذ الغيبه وخل يكولون
حسين ابكل وقت ياخذ الغيبه!!
.
لَبستك ( ستر ) عن اليشوفون
وغطيتك ( غطه) الحد الكصيبه!
.
وأرسملك وشاح .ابستره مضمون!
وتطلع رسمتك ,,, شغله عجيبه!
.
ماألكه الوشاح@ امغطي المتون!
ومنك ينمسح !. كلما أجيبه!!
.
ترجعلي هَدل!! ومضيع اللون !
صارت حالتك.. كلش غريبه ؟
.
دوخني الرسم ما أعرف اشلون
حمامه أرسملك.. وتطلعلي ذيبه!
.
والجبته يرسمك... هسه مجنون
وبليل الشته... اتحمه ابلهيبه!!
.
شنو شايل سحر؟ لو انت مسكون؟
لأنها قِصتك .....كلش مريبه!
.
خليت الطبيب ...ابكلبه مطعون/
يا أول بشر ,,, يجرح طبيبه!
.
ولانك مو طبيعي لازم اتكون!
تفصل كل بشر زيته شيبه!
.
جمالك كارثه وسارك ضوه الكون!
ولازم للشمس ,,,,تدفع ضريبه
واجب للشمس ...تدفع ضريبه
حسين االساعدي