هنا

[ارجع يازمان]

الدنيا عركه .. وكلمن اسلاحه ابيمينه!
وفزعونه اللي نحبهم
واستحينه ..
.. وعالحرب ما غلسينه!!
واليحارب
عنده الِسلاح اويه روحه
وياهو اليعوف اليعينه!!
ولو نطيح!
ابدمنه نكتبها الوصيه!
ندري بأجواء الحرب محد يجينه!!
والعدو من كل مكان..
امرابط
ايسدد علينه!
اتمنه كل رمياتهه بينه!!
واليريد ايعيش لازم,,, بالحرب ما تسهي عينه!
والنصر نصبرله ساعه..ولو صبرنه اتفوقينه!
وصابرينه!
ومابقت بس هالدقيقه!
واحنه أأبد ما قصرينه!
.
وقبل لا يوكع عدونه!!,,
ابطلب قاسي ,,
اتفاجئينه!
الفزعنه احنه الأجلهم! .رادوا اسلاح البدينه!
وما درينه!
الصفقه من اتصير............ يتبدل حجينه!!
وما درينه!
النثق بيهم!!...........رسموا الخطه الحزينه!
وما درينه!
اللي نحبهم,,,,,,,,,,, هاكثر شالوا ضغينه!!
ومادرينه!
ابيوم سلمنه السلاح,, ,,,,,,, احنه انتهينه!!
وما درينه!
ابسرعه ننباع ابثمن.......... للينطي بينه!!
ياهو اليصدك نصدك,,
بالبقى ايجذب علينه!
.
ياهو اليصدك ابمكه!,,,,
تغدر اقبور المدينه!
.
حتى قرأن الهدايه!
ابكل مكان امحضرينه!
.
ما فهمنه منه أيه!
واحنه كله حافضينه!
.
الدنيا صارت للذليل
وشكو حر امأسرينه!

المهم ضلينه غشمه.
وجنه غشمه..
ونبقه غشمه
وباليغدرون .. أمنينه!!
جا بعد المن نلووم الوادم التضحك علينه!!
والجره كله............ امندينه!!
وجنه غشمه وصدكينه!
جنه غشمه وصدكينه!
حسين االساعدي