نصبولي الشرك
...........................
الك عندي سوالف
مايكفي الليل
منادس من تمر ساعاتهن تذهل.
ياذكره التمر..
منهن تهد الحيل
لونهه اعل الرواسي اتصير ماتحمل..
شسولفلك..
وريجي النار تلهب بي..
لون كلبك صخر جلمود هم يجفل..
شفت داغات كلبي..
موجره من اسنين..
و نيران الشماته بصفهن تسربل..
اصيح الغوث المن..
يا اخو الفزاع..
فوك الظيم هذا وبس يظل يعذل...
انه الدهري..
ابد ماصفه بيوم وياي..
يراودني ويريد الجدم مني يزل..
كلت هيهات اصيرن..
طعم للصايود...
واخلي الركش بالفالات بيه يجل..
نصبولي الشرك..
وابعد لغاد ابعيد...
تجرعت الكأس حنظل..
ماشكيت الحال...
بوكت المراشدن جلمتي التعدل...
أشد أحزام بطني..
وميت من الجوع...
ولا جدام شامت هدمي امدسمل...
من خلصن اسنيني..
تريد اذل ياصاح..
اسم الروح لو فكرت يوم اتذل..
الحياة بلا كرامه..
الصيت بيهه العار..
ماتسوه الحياة البيهه متعلعل..
اليموت بعزه عمي..
يظل فخر للدوم..
والتاريخ عنه بصفحته يسجل....
.................................................. .................................
م.