هنا

[أنثى حائرة]

https://www.dorar-aliraq.net/showthread.php?t=1337596

أنا صاحبة هذا الموضوع وشفت كل ردودكم في بعضها يسخر مني مثل العم الرميثي سامحه الله والأخت هيفين التي تقول اني أحببته لانه غني مثلاً لا والله " لكن أنا ماراح اقول اسم الشخص الذي أحببته واريد الزواج به
اخوتي الكرام بارك الله بردودكم أنا قمت وعملت بكل نصائحكم لكن الشخص الذي يحبني واحبه رفض مفارقتي ومازال مُصر على الزواج بي كما تعلمون أنا لا زلت مراهقة في نظر القانون وهو رجل كبير بالسن فارق العمر بيننا ٣٠ عاماً لكنني احبه جدا وهو شخص وسيم وعقلاني ومتفهم ويستطيع ان يتحمل مسؤوليتي أنا احبه جداً وفكرت بكلامكم وقررت تركه ... لكن هو لا يريد مفارقتي وعندما قلت له ارجوك اتركني واذهب بعيدا عني قام بالصراخ علي أمام الناس والبكاء وقال لن اتركك وسوف نتزوج لا تقلقي
والله على ما اقول شهيد .. ما رأيكم ؟

[لاڤندر]

شوفي حبيبتي مصلحتج فوق كل شي وانت شفتي الكل تفاعل وياج حتى الشباب بالعادة همة يصيرون وي الرجل
وهذا دليل على ان الي جاي اصير غلط
وشفتي الي گالوا علمود فلوس او شي ثاني ممكن ماصدگوا اعذريهم كل شخص وتفكيره،

ممكن بالبداية تتأذين بس صدگيني من تكبرين راح تشوفين شگد چنتي غلطانة

وهو هذا عمره 50 شگد يريد يعيش ويريد يورط طفله وياه؟
ترى لو متزوج هسة احفادك بگدها

[دُعےـــآء]

حبيبتي هو يحبج وهالشي ميختلف عليه اثنين
بس يعني تتوقعين كل حب راح تعيشين بي سعيدة ؟! صدگيني لا
لازم يكون هناك توافق وتقارب معقول سواء بالعمر او التفكير .. المشكلة انتي بعدج صغيرة بالعمر وهو متعلق بيج اكيد لان حلوة معناها لا تضيعين شبابج صدگيني تندمين .. الحب وره الزواج يوصلج كم شهر وبعدها تصير الامور روتينية وراح تشوفين اكو فرق كلش جبير بينج وبينه وانتِ نفسج راح تنظرين للامور بطريقة عقلانية وتشوفين نفسج تسرعتي لان تفكيرج هسه يختلف عن تفكيرج بعد كم سنة وره ماتتزوجين ..

وانتِ بعد بكيفج

[وردة..]

.




ياحبيبتي ياقلبي
دامك فكرتي وأقتنعتي بكلام الأعضاء
خلاص انهي الموضوع من جميع النواحي ،
الغي التواصل ووقفيه عند حده لو ما توقف
دخلي احد عاقل من عائلتك يوقفه عند حده

أخي
اذا كنت تقرأ كلامنا
الزواج قسمه ونصيب
اترك البنت بحالها،

فاهمين مشاعركم لكن أنت بعد فكر بعقلك
ترضى هالشيء لأختك او بنتك ؟!

لو البنت راضيه واهلها راضيين اوك
بس أهلها رفضوك والبنت متردده
واقتنعت بكلام الأعضاء ،

خلاص لا تكبروا الموضوع اكثر من كذا
كل واحد يروح بحال سبيله والله يعوضكم خير ان شاءالله ..






.

[NAZ‌]

اذا تشوفين هذا مستواج واحد شايب و ديراهق براسج ومحد مگلبج ويعيش شبابه و انتي تضحين بروحج علموده
اخذي حبي انتِ هم عاجبج الوضع
صيري مضحكة لامة محمد

بس اذا مطلگج و طلع عينج اني معتبة

[زيزا]

حقا اتمنى اعرف منو هالعضو

[Hev ']

شوفي حبي هيه مو شغلت سخرت منج
شوفي انه همين اكو شخص عمره بالخمسين چان يركض وراي من ٢٠١٩ دمرني تدمر حتى الدرر ضليت اقلل دخولي اله هذا عرف عندي اقارب هنا فراح اتواصل وياه ودزوله حسابي التلي فگالي احبج ومن هالحچي انه اريد اتزوجج وانطيچ بيت بأسمچ وسياره ومحل من محلاتي احولهن بأسمچ صراحه فكرت وحبيت الموضووع من ناحيت انو هو طاگ وعنده فلوس وبيوت وين لاگيتهه واحد ينطيني سياره وبيت وفلوس ابلاش
هو عمره 57 وانه عمري 23 يعني انه هم بگدچ عشرينيه..
اول مره گتله انطيني مهله افكر
ما فكرت بي بس فكرت بالفلوس وگلت حتى من يموت استفاد من املاكه ف..لان نفس العمر انه وياج كان ضني انو لان عنده فلوس تريدينه
المهم انه فكرت كلش زين كلت نمونه بيت وفلوس وسياره هذني كلهن مومهمات انه مخبله اروح اخرب حياتي وي واحد بعمر ابوي والقران كرهت نفسي بوقتها كلت امداني اتزوج واحد شايب باجر من يتمرض احير بي مستشفيات عليمن.. خو اتزوج شاب من عمري واخلص حياتي وياه واستقر وياه حتى من نخلف جهال يصيرون بعمرنه.. هذاك شايب اخلف جهال وتاليته يموت لو يتمرض انه وجهالي منو النه.. زين انتي بعدج صغيره ما تردين تتونسين بحياتج الزوجيه تسهرين وياه ما تردين تكونين سعيدة.. هذا وين بي حيل يسهر زين اذا سهر ل١٢ بليل همه ذولي كبار السن ما يسهرون السهر يتعبهم...
شوفي هو جان يموت يموت عليه لمن كلتله مااريدك انت اكبر مني وانه طفله مااكدر اريد اشوف حياتي باجر من يصير بيك شي انه وين اروح وكلتله لا تحجي وياي
والله يوفقك اختار وحده من عمرك مو وحده حتى اصغر من ابنك تدرين حتى مرض تمرض علمودي لان ما ردته
طلب مني افكر بالموضوع
وكلتله يا عمو عوفني بحالي انت ما تستحي رجال شكبرك شكدك لازگ بوحده جاهله مثلي گتله انت ما تگدر تسعدني
فرق العمر بيناتنه كلش چبير
وهالزمن مختلف عن زمنكم گتله بهالعمر نريد سهر ونس اننت ما تكدر تقدملي هالشي جربتك كذا مره ما گدرت تبقى للوحده سهران
گتله شلون انه اريد واحد يسهر وياي للصبح ولعب وسوالف انت ما تكدر تقدملي كل هالشي وطگيته بلوك
انتي بكيفج بعد بقت يمج لا تگولين سخرت منچ
بس جديات راح تلعب نفسچ منه من اول يوم
ثقي كلشي ما يبقى مثل ما هوه كلشي راح يتغير.
كلشي بالبدايه حلو بس بعدين يبدي الندم

فأحسلچ احچي وياه للمره الاخيره وبطريقتچ وطگي بلوك واخلصي منه

بس ثقي بالحسين الشهيد والعباس حرامات عمرچ تخلصينه وي واحد شايب يتونس براسچ وبعدين يدير ظهره عنچ


الله يوفقچ

[ذهب]

بس اني محد گلي أحبج
يالله الله ضامه لرجلي اسمعه منه

[نورانيّة]

..

بالصراخ أمام الناس!!

هذي العبارة ما لقيت لها تعليق!

الله يوفقك

[الرميثي]

لا يا عمو
ابد والله ماكان قصدي استهزيء بموضوعج ابداً
بس كان كلامي موجه للاخ علي الواسطي
بحسب الميانة الي بيني وبينه
حبيت اتشاقة وياه بهذا الكلام

ما عرفنا عن هذا العضو الي عمره 50 سنة
متزوج لو لا
بس لا يطلع هذا العضو علي الواسطي
لان علي الواسطي عمره تقريبا 50 سنة
بس هذا متزوج وعنده اولاد وبنات .

وبالعكس اني قلت للبنات ترة العضو موجود
بالمنتدى وجاي يقرة الكلام لاتكسرن معنوياته
-----------
وازيدكِ اكثر
لو كنتي بنتي وتقدم لكِ واحد عمره 50 سنة ما اقبل به
لان فارق العمر كلش جبير وصدقيني ما راح بينكم
يكون توافق فكري او اي تفاهم
لان هو من جيل وانتي من جيل

ونصيحتي الاخوية لهذا الرجل اذا كان يقرأ كلامنا
ان يترك الموضوع
وان يبحث له عن زوجة من جيله ومقارب لعمره
راح يرتاح معاها اكثر
والامر عائد لكم اولاً واخيراً