كتاب الله _ حيدر الفريجي مكتوبة للشاعر موسى البطلي
شهم شهم من يطب للحومه
زلم زلم گابلت مهزومه
علي فحل الله يسطر بيده
علم علم الله منطي اعلومه
.
علي واحد والله واحد محد ايگدره
علي اسمه بكل معارك واضح اشكبره
علي يدنگ يحني ظهره لـ الله ولفقره
علي تاجر بس محنت فاطمه الزهره
" دليل الرب علي. "
" خنس مرحب علي "
" يطگ ارض وسمه "
" اذا يغضب علي "
علي مولا علي علي مولا علي
وطن وطن حضرتك للضايع
منو الاهم مثلك ولا سامع
حبك فرض للشريف الطاهر
ماشك لان موش خلفت شارع
.
علي بيده الدنيا كلها من العلي موكل
حاچه الله الشمس ترجع الله گله اقبل
علي مو بالارض يندل بالسما يندل
كل قضيه المانحلهه بحضرتك تنحل
" كتاب الله علي. "
" حساب الله علي. "
" منو ايدور الفلك "
" فقال الله علي. ""
علي مولا علي علي مولا علي
ولي ولي غصبن اعلى الواهم
علي علي رب عشگ للوادم ♡
عنده علم بالسما ومابيها
وصي وصي علي گاعد گايم
.
اقرو الله بنص كتابه بحق علي شذاكر
علي گبل العرش مالي بالسما صاير
خلو حيدر مو رابع خل يضل عاشر
باچر بصف الله يگعد بالحشر باچر
" صعب ينحل علي "
" ولي ومرسل علي. "
" قبل ارض وسما "
" وحي منزل علي. "
كيف بشر عقلي كلش حاير
نوره ظهر والخلق ما صاير
محد عرف سر علي وتكوينه
الله امر علي يحاسب باچر
.
علي كلمن ضده يخسر دنيته ودينه
بيده هاي الدنيا كلها انخلقت لعينه
الله خله الكون كله محبس ابيمينه
علي من نور الله صاير موش من طينه
" عقاب الله علي "
" ثواب الله علي "
" وكاله من العرش. "
" عذاب الله علي "
" حساب الله علي "
لـ موسى البطلي
رد مع اقتباس
المشاركة الأصلية كتبت بواسطة YAĞMUR
