القصيدة : ام القمر
الرادود : ملا عباس عجيد العامري
الذاكر : كرار الجناحي
الشاعر : سيد حيدر الصافي
*********************
هيَ زوجةٌ للمرتضى خير البشر
في كل صحراء تجدها كل المطر
ياسائل عنها هيَ أم القمر
هيه العدهه حيدر ماطب صف
يمهه الكتب والتاريخ يصطف
هيه تزوجت حيدر قصدهه
حته تجيب حيدر ثاني للطف
باب الرجاء _ معنى الأباء _ ام الوفاء _ ونعمين
يوم القدر _ جابت گمر _ جابت ضهر _لحسين
!!!!!!!!!!!!!!!!!!!!!!!!!!!!!!!!!!!!!!!!!
هي نعمة فاقت على كل النعم
هي مصدر للكبرياء وللشيم
أفعالها تعلو على كل القمم
بيهه الناس تحلف وين ماجان
صارت للوفه بيرغ ونيشان
مثل أم البنين الكون مابيه
ومثل عباس ماجابت النسوان
كل السنين _ماكو قرين _ لم البنين _ محد
بت الأصول _ يوم المهول _ بت الفحول _ مسند
!!!!!!!!!!!!!!!!!!!!!!!!!!!!!!!!!!!!!!!!!
منصورة من عند جبار السماء
فيها ولاء لايُقارعه ولاء
هيَ عالمة صارت مثال للنساء
هيه معدله وجابت معدل
وتكله يبو فاضل ترجل
ماتتوصه بس خليني أوصيك
موت المات دون حسين يعدل
منهه الوفه هيه الشفه _ والعاطفه _ للناس
أم المدد _ والكل شهد _ جابت أسد _ عباس
!!!!!!!!!!!!!!!!!!!!!!!!!!!!!!!!!!!!!!!!!
هيه مدرسة لا بل تفوق الجامعة
هي عابدة للرب دومًا راكعة
أم البنين أم البدور الساطعة
الوفه مفصل عليهه من الله تفصيل
آيه وتنقره بكل وكت ترتيل
ماجن اربعه مخلفه يعالم
أم عباس جنهه خلفة جيل
وين الكلف _ بي ينحلف _ ينعد بألف _خلفت
بيهم غضب _ يوم الحرب _ وألهم رگب _ طخت
!!!!!!!!!!!!!!!!!!!!!!!!!!!!!!!!!!!!!!!!!
هيَ للشجاعة مصنع طول ألامد
توفي بوعد قبل ميقات الوعد
قد أنجبت للمرتضى شبل ألاسد
أسد والأسد يفرس لمن يختاض
واگف والزلم كاتلهه ألاركاض
عزرائيل مدري مخلفه عباس
جابت زلمه للأرواح قباض
من ينتفض _ طول بعرض _يفني ألارض _ فنان
بيده ألاجل _ وكت الزعل _ جن لو حمل _ بركان
**************************
رد مع اقتباس
المشاركة الأصلية كتبت بواسطة YAĞMUR
