القصيدة : مخلوق احبك
الرادود : عباس عجيد العامري
الذاكر : عزيز عبد الحسين
الشاعر : حسن الدراجي
*****************
عافتني كل الخلگ.. بس انت يمي جنت
راجعلك ابجي ندم.. برجلي الضياعي رحت
لا تترك ايدي بعد.. هلمره ماكو عذر
وارجع اعيد الغلط.. كم مرة صار اعتذر
مولاي
ما استحقك واني واحد مو وفي
مولاي
انطيني فرصه وخل اعدل موقفي
مولاي
رخص الدنيا بعيني وخليني اكتفي
رجعني ذاك الجان يبچيلك هواي
دير العطش بلروح وانت اشرب الماي
شتفصل البس راي بس كونك وياي
حسين مولاي حسين مولاي
'''''''''''''''''''
اخذ ايدي من البشر.. شدها بجروح الحبل
خليني فوگ النجم.. وزينب مشت بالهزل
ادبني عوزي ادب.. عفتك الوحدك تون
عاتبني خل انجرح.. لبسني ثوب الحزن
مولاي
وعيوني صلفة من تجي بلايه دمع
مولاي
اكسرلي خاطر خل اموت وانفجع
مولاي
ابلايه نار اضلم وما يضوي الدمع
ما قيمتي مولاي بدون البواچي
عت گلبي مني شلون ذيج التراچي
وادبني بلدمعات خلهن سواجي
حسين مولاي حسين مولاي
'''''''''''''''''''''''
علمني احبك صدگ.. دليني درب الخيم
مر بيه حنه وعرس.. ومر گلبي اه وسهم
خليني كسرة گلب.. صرخه بعشگ مأتمك
اسرني عندك حزن.. وادخل جرح عالمك
مولاي
علمني احبك مو مثل باقي البشر
مولاي
اوكف عدل لو گلبي بخيام نكسر
مولاي
گلبي تعب كدما مشه وضاع وعثر
خليني اموت انسان جرح العقيله
لو متت وانت بعيد كلش ثگيله
جيتك دخيل عليك يابو العليلة
حسين مولاي حسين مولاي
'''''''''''''''''''''''''''
مخلوق احبك جرح.. مكتوب اموت بصحن
ماعندي غيرك احس.. انت الاهل والوطن
مو ثوبي ثوب الفرح.. ثوبي السواد وجرح
دين بركبتي الك.. صعدني الله برمح
مولاي
دين برگبتي وما يسد دين البجي
مولاي
شحچيلك وماعندي شي ينحچي
مولاي
وانا جبت عمري اعلى جرحك منتجي
لو بيدي مولاي موتي بعزائك
موتني ذاك الصوت من كربلائك
ادعيلي اصير وياك رايد دعائك
حسين مولاي حسين مولاي
*******************
MP3
Zhra
رد مع اقتباس