مباركين مباركين الليلة
سيد الشيعه وفخرها بالفرج ندعيله

لا تراقبني وتشوف الحاله
خايف يقهرك نشري لا تدناله
وک انه ناشر قائد الخياله
هذا الحبيب ونبض گلب الشيعه
دگت اطبول الوطن وافراحه
وطبت اعمامة علي للساحه
اجه اليعدل عواج الدنيا بچفوفه
لابس زي عمامه وهيبة اجداده
اجه القمة حلمنه نخدمه ونشوفه
باب الله الچبير ونشعة الساده

اهنا وهنا اليوم الشيعه ملتمه
اهنا وهنا الشامت ميت بدمه
اهنا وهنا الما يفرح تره ويانه
ما نهواه ومو من عدنه يتسمه

مو عوانه اهل الملعب مو عوانه
ويانه العيد يربح ويانه
گولوله الشامت يسكت گولوله
جوانه شما يعلى يضل جوانه


مباركين مباركين الليلة
سيد الشيعه وفخرها بالفرج ندعيله


الحب والعشگ بجنون عند الشيعه
مليون عام يغيب هم انطيعه
كل ثانيه انردد شعار البيعه
رد لا تعامل بالوفه جنايه
لا تجربنا الرگب منذوره
احنه وادم نعشگ اعلى الصوره
يوم 15 شعبان مهدينه
ينور والفقير اتصيرله احچايه
وجه المنتظر هو اليضوينه
من هسه الگمر خيشوفله اولايه

واعدناه بيوم النسمع ابشاره
واعدناه نطش عيونه بداره
300 فخر و13 قائد
نتلگاه ونخدم ربعه وانصاره

مو عوانه اهل الملعب مو عوانه
ويانه العيد يربح ويانه
گولوله الشامت يسكت گولوله
جوانه شما يعلى يضل جوانه


لـ. رفعت الصافي