گلي شعاجبك وتحب على لهلحد
گتله شماله گلبك محترگ هلگد
گال انطيني شي بس بعلي موجود
گتله اهواي
بس راح اختصر بالعد
علي قل هو الله احد
علي مثل الهوى وازيد
علي برية محمد ينزل ويصعد
جهنم حاره وهل من مزيد تصيح
لچن بس تسمع بطاري علي تبرد
رجع گلي شنو انجازاته وتقدره
گلتله راح اعد عشره
اهم انجاز خله وجوهكم صفره
ثالث صارجدكم بالنزع شمره
رابع لا علي ما صار رابع اول دوم
والدليل الضلع والعصره
علي ارگاب العرب والقاده تذكره
علي حسين وحسن شايلهم بصدره
علي بالمعركه من حقه ما يندار
چا غير ابو فاضل گاعد ابظهره
لهسه بوجه خالد طگته مغزره
لهسه وباب خيبر بي اثر سطره
لهسه واسمع محمد
من تضيگ يصيح
صيحولي ابو عمامه الزاهده الخضره
بس لهسه احلى من كل هاي الانجازات
من تصفن بجنسية علي وتقره
مكتوب بظهره فاطمه الزهره
رد مع اقتباس
المشاركة الأصلية كتبت بواسطة Ali - alsumiri
