اهنا العابرهم علي
اهنا الصاكرهم علي

اهنا الماخذ بالحرب شوط النصر

العالمي الاول علي
العل رگب حول علي

انت بس انخاه وابد ما يعتذر

علي شيخي وتاج راسي
واليفوت اعلى الخشم
علي محبوبي واغاتي
الدوم ماخذ عالزلم
فدوه لحبيبي فدوه
معشوقي وكلشي هوه
دنيا وبدونه شتسوه
طاردها بره گلبي
لحد يجيني برايه
يدوخلي راسي اهوايه
احچايه وبعدها احچايه
طاردها بره گلبي

علي علي علي علي علي علي

القائد الاوحد علي
المدري احبه شگد علي

وكلها فدوه اتروحله بلايه ذكر

الفارس الافضل علي
الكلشي بيده الحل علي

الما رجع من حرب الا ومنتصر

الله لا يحرمنه منه
الداگهم دگ الصخر
والبقيه شگد خطيه
شيبو من القهر
من فدوه اروح الاسمه
عطر الجنان اشتمه
بالحظره صاير نسمه
هنيالي من حبيته
هذا الحبيب الغالي
هذا الامير الوالي
راعي الگلب يحلالي
هنيالي من حبيته

علي علي علي علي علي علي

لشاعرها / حسين كاظم الساعدي