ـــــــــــــــــــــــــ ـــــــــــــــــــــــــ ــــــ
القصيدة:حُب الطفولة
أداء:مُحمّدبَاقِر الخَاقانيّ
كلمات: أحَمد اللامي
ـــــــــــــــــــــــــ ـــــــــــــــــــــــــ ــــــ
محتاج احبّك مِثل امس
حُب الطفولة بيك احس
يمطهّر دِموع العِشگ
ياجَرحي بأعماق النفس
حُسين... حُسين... حُسين
ـــــــــــــــــــــــــ ـــــــــــــــــــــــــ ــــــ
حَاولت اتجرّد مِثل صَدرك گبال الخيمة
واحچيلك الچِلمة دَمع وتبدّه مَاي الهيمة
حُبّي علىٰ گد دَمعتي مو گد عُطش بيتيمة
كُون بكثر دَمع الحچي عَن حُبّك وعَن ضيمه
كُون اسكت ويِحچي الدَمع
حُبّي بسكوتي يِنسمع
الچِلمة لا تِشفي جَرح
ولا ينجبر بيها ضِلع
حُسين... حُسين... حُسين
ـــــــــــــــــــــــــ ـــــــــــــــــــــــــ ــــــ
يحسين احبّك اي صدگ بس العِشگ بي حوبة
مَعقوله تنشف دَمعتي؟! وعندك خِيم مَنهوبة
همّي آنه اعره مِن الذنب و مَحبوبي سٌلبوا ثوبه
مولاي عَيّشني مِن أحِب عيشة سَبي ودروبه
إنطيني گلب عايش مِثل
شِما يكبر إحساسه طِفل
مِن يسمع بظَعن إنسبىٰ
يطيحن دموعه هِزل
حُسين... حُسين... حُسين
ـــــــــــــــــــــــــ ـــــــــــــــــــــــــ ــــــ
الدَمعة مخلوقة إلك وبيها الذِمم مَشكولة
والدَمعة الأبچيها الخِيم احچايه ما مَگيوله
تِنزل جديدة دَمعتي تعتگ ولا مَعقولة
ياگلب بجروحه سَهل ما تَعّب اليبچوله
عَطشان عَريان البَدَن
مَذبوح نسوانه إنسبن
شِيريد گلبه ويِنكسر
اليسمع مُصابك والظَعن
حُسين... حُسين... حُسين
ـــــــــــــــــــــــــ ـــــــــــــــــــــــــ ــــــ
بَس انتَ بالعالم عِشگ مُختلط ويّ جروحه
بَس أنتَ اليحبّك يحس مَجره الحَياة برُوحه
مَشكولة ذِمته المّابچه ليومك ورَخّص نوحه
شِلّه بعيونه المّابچن؟! والمِنذبح مَذبوحه !
عَطشان حُبنه ويِنذبح
شِلون بمَكانه نحب جرح؟
حُبّك مدايّننا دَمع
نبچيه ونِحسبه ربح
حُسين... حُسين... حُسين
ـــــــــــــــــــــــــ ـــــــــــــــــــــــــ ــــــ