لشاعرها / محمد الموسوي

ضموا الشوارب صار ابو الزلم
بدويه أمه الجابته ونعم
شبل الأسد مثل الأسد شهم
والساده بيه تتباهى


​ يا حور عين الجنه هلهلي
جفيه خضره لبساه علي
كربله باجر بلوة تبتلي
زود الكمر طباهه


​ اجه الساقي ابو الغيرة اجه الرقم الصعب
اجه الفارس الملثم اجه الماينغلب
علي الثاني يسمونه اذا ينزل حرب
لحد هسه عله خيامه مطر جوده يصب

شدت جمالك فهت الوعى
عينك وسيعه جنهه مشرعه
راضع وفه من ام الاربعه
هاي امك الوفايه

هالليله هاشم للفرح اجت
مولود عدهم سيد البخت
شيوخ العشاير كلهه حولت
شدوا علك بالرايه


هيبه يعباس جايبتك امك هيبه
هاشم يهوسون حي الله شيخ النيبه


محد يوصفك غاضب وسمح
من رمش عينك يطلع الصبح
انته الدوه اليتخله عالجرح
وانته العشك وأسبابه

حب وحرب بيك التقن سوه
شاهين طاير فحط الهوه
حكهه الشمس لو ضمت الضوه
حكه الكمر سد بابه


​ هله ومية هله بزودة شبيه المرتضى
كمر هاشم المضوي مجرات الفضه
اذا يزعل يشب غيرة مثل نار الغضا
وفة الخوه والمجازه عكب جفه كضه

مامنهه خوه خوة الكمر
جي دمه فاير بخر النهر
بصياره حيدر كلش ابتشر
عم الفرح بالديرة


​ صار الغيور الهاشمي الكفو
مثل أمه صارت بالعرب منو
جابت لزينب كافل واخو
و تاج عله راس الغيرة

​ هيبه يعباس جايبتك امك هيبه
هاشم يهوسون حي الله شيخ النيبه