قصيدة : للموت مشاية
للشاعر : مهيمن الفاطمي
: ليالي استشهاد الإمام الكاظم (ع)
: ليلة 23 رجب 1446 هـ
العتبة الكاظمية المقدسة - بغداد
طور : تسوى_عمر_كامل
للموت مشايه .. والكاظم الغايه
مشايه ونرج الكون صرختنه معروفه
بالكاظميه الخطوات تسمعها بالكوفه
وبموسى هاليوم اقيود ما تبقه ملفوفه
هاي الملايين اتموت بس خاطر اتطوفه
ايسمونه وفايه .. والكاظم الغايه
ميهمنه لا قيل او قال شَمرتنه ثوريه
نترس شوارع بغداد لطميه لطميه
خلهم يكولون اليوم شيعتنه رجعيه
بس يبقه اسم هاي الكاع بالفطره شيعيه
مكتوبه هالآيه .. والكاظم الغايه
نرفعها عالي الرايات والهمه تتسجر
نتوكل ابيا زهراء يا با الحسن حيدر
ابيا مهدي وبيا عباس يا موسى بن جعفر
او جم صخره من الأعداء جوانه تتكسر
نكتبها عالرايه .. والكاظم الغايه
ابوذيات : قبيله ، هلك وين ، مولاي
الشاعر: السيد عبدالخالق المحنه
ابجاه الما سجد للرب .. قبيله
الضمك بالسجن ربك .. قبيله
لـ هذا الـ عالجسر هل من .. قبيلة
تشيل اجنازة الظلّت رمية
ابغيرك ما ابد ما دارك هالأكوان
وگلب المحب لفراگك .. هلك وين
غريب وعالجسر نعشك .. هلك وين
ولا فزعوا إلك أهل الحمية
انفطر گلبي على المسموم .. مولاي
الي صار الجزع والصبر .. مو إلي
شماته اجفوف شالت نعش .. مولاي
ولا شفنه الجفوف الهاشمية
رد مع اقتباس
