كلمات قصيدة : زينب انه ابغربتي
للشاعر : السيد عبدالخالق المحنه
ليالي استشهاد الإمام الكاظم (ع)
ليلة 23 رجب 1446 هـ
العتبة الكاظمية المقدسة - بغداد
القصيدة
-0-0-0-0-0-0-0-0-
زينب أنا ابغربتي .. ما جيتوا يا شيعتي
خلوها هاي السنة .. للكاظم زيارتي
▪️▪️▪️▪️▪️
هاي السنة ما إجيتوا و ردت عليه المصيبة
أدري ابوضعكم صعوبه وأدي الحوادث رهيبة
بس آنا حبيت أگلكم أبقى الأسيرة الغريبة
كل عام أشاهد عزاكم وأنسى السبية السليبة
أدري صعوبه الوضع .. وأشكركم إعله الدمع
واللي وصل حضرته .. چنه وصل حضرتي
▪️▪️▪️▪️▪️
گلوله زينب غريبه صاروا حرسها عداها
كل الروافض إجولك بس هيه محد إجاها
دارت عليها الكتايب والگبة طفوا ضواها
انت قيودك ثگيله و حبل اليسر ما نساها
إنت بقيود الصبر .. وأنا ابحبال الصبر
من غربتي الغربتك .. أبعث الك دمعتي
▪️▪️▪️▪️▪️
وعلى الجسر هالجنازه وكت الضحه تنتظركم
شيعوها يهل الحميه و كسروا القيود ابغضبكم
لو شفتوا هاي الجنازه إلمن يسافر فكركم
للضامي والظل ثلاثة غسلوه يشيعة ابدمعكم
نعش الصبر والحزن .. لا مايحمله المتن
رايدله جف هاشمي .. گطعوها ياحسرتي
▪️▪️▪️▪️▪️
گلوله حرب الروافض ماتنتهي بالخسارة
وكت الملاحم ثبتنه إحنه لها و ابجدارة
كون إبوكتنه وحقك نفزعلك إعله الإشارة
منهو اليفكر يسجنك وهاي الجيوش الغيارى
نتعاهد و ما نشك .. ما تنسجن يا ملك
گلوله هذا الفعل .. من محنتي و دعوتي
▪️▪️▪️▪️▪️
للشام اذا ما إجيتوا عوضوها بالكاظمية
نادوا يموسى ابن جعفر عالروس إلطمو سويه
إمشو إبحذر يم ضريحه موجوده أمي الزجية
كل زاير أمي تگله زينب بعدهي سبية
من ناصبي الناصبي .. إتولوها بنت النبي
ياشيعه گلبي إنمرد .. ما تنتهي مصيبتي
▪️▪️▪️▪️▪️
هاي الجنازة الأسيرة خلصوها من السلاسل
لو من ثگلها تعبتوا صيحوا مدد يا بو فاضل
تحت الأرض يفنه عمره و يملي الأرض بالفضائل
و هاي المناره العظيمه صفعه ابوجوه العواذل
إسم الخليفه إندثر .. وإنت بقيت الگمر
غيم الحقد ماحجب .. گبتك ولا گبتي
▪️▪️▪️▪️▪️
مهدينه حتماً معاكم حاضر لجن إسمه غايب
يستقبل و هم يودع بين المشوا والمواكب
لا تعتقد ما يشوفك صبح و مسية يراقب
من تعتقد بالإمامة إعلم إمامك يحاسب
من تفتر أويه الزمن .. يتألم إبن الحسن
وكت الظهور إبتده .. وانا گلت كلمتي
▪️▪️▪️▪️▪️
رفع المقطع الصوتي بصيغة MP3
HAMZA ALYASIRI
رد مع اقتباس