فوك الجسر مطروح _ هاي المسيه
يا شيعه خلنه انروح_ للكاظميه
مات ابسجن هارون
ماله عشيره اشلون!
والكاظم العنوان للجعفريه!
فوك الجسر مطروح _ هاي المسيه

///////

سجن ابسجن مظلوم ,, خلص حياته!
بس طلعوه مسموم !,, ساعة وفاته!!
بيده جرح ملجوم !,, يضوي ابصفاته
اقيوده بيده ومات
شاف اشكثر لوعات!
راسم طريق الزود لاهل الحميه
فوك الجسر مطروح _ هاي المسيه

///////

الرضا ابهذا اليوم ,,,, الله اليعينه
اتعنه للمعصوم,, من المدينه
سال ابكلب مهموم ,, دمعه الحزينه
روح وتودع روح
ودع ابوه بالنوح
واشتركوا ابهل موت بالسم سويه!!
فوك الجسر مطروح _ هاي المسيه

//////

هذا الغريب امنين ؟ صاروا يسئلون!
شو ما اله أنصار ؟ وين اليشيعون !!
ما غسلوه من مات ! بدموع العيون!!
واضح عليه مسموم
مات ابسجن مظلوم
علمونه يا هالناس شنهي القضيه!
فوك الجسر مطروح _ هاي المسيه

////////

ابمعتقد هارون ,, فتنه وخطيره
حب الوصي ايحذرون ,, تهمه كبيره!
والرافضي ايكولون ,, ماله عشيره!
بغضوا علي الكرار
جي قاتل الكفار!
لا والله أبد منعوف حامي الحميه
فوك الجسر مطروح هاي المسيه
حسين االساعدي