الى احدهم !!!
إذا أهلك على الغمات ربوك!
على الطيبات ربوني السواعد
///////
بس تتورط وتتساجل اوياي!
راح اتصير نكته والله شاهد!!
.
اتمنى تتحده.. ورايح اتشوف
عينك تنعمي ...ابصطر القصايد!
.
لانك بالشعر ما عندك احساس
حرام ابشعرك اتضَيع الكواغد!

اجم عملاق مثلك ماخذ الكاس
كله ابحافر* وحفر التوارد!

صيتك مايهمني ونفخة الراس
لأن ما تثبت ابوكت االشدايد!

جاوب بالمباشر كمل الداس
مو باجر تجي ابحجي الجرايد

انته العيب بيك وتحجي عالناس
اشلون الساقط !! ايوزع الشهايد!

الفخر للفات بيها وثبت الساس
وتحده ومشه وجاب الطرايد

أدري الراك مشيك ابقه عالراك
احذر تعتني الدرب المصايد!

بطولاتك وَهم وتبَوخ اهواي
البوخه ما تلوك اويه المجاهد!!

لتفيك عليه ابحُب الاوطان
العراق امي وابوي إولا تزاود!

وإذا أهلك على الغمات ربوك!
على الطيبات ربوني السواعد
على الزينات ربوني السواعد
حسين االساعدي