كلمات قصيدة [ دولة كاظمية ]
الشاعر محمد رسول الحميري
للكاظم ثوره جعفريه
للكاظم مبدء وقضيه
للكاظم دوله كاظميه
للكاظم دوله كاظميه
هذا ابن من في الحرب يدعى حيدره
ضرغام أزاد وليث قسوره
على الاعادي مثل ريح صرصره
لا طلكت ولا خلفت مثله مره
موسى الهاشمي للطف ينتمي زينبي فاطمي زائد
هذا الينخي يفزع مو رخي معطاء وسخي قائد
يا مية هلا من توصل اله يكضي المعضله والد
شباجه حلمي بالزياره
شباجه كعبه للغياره
للكاظم ناذر الهويه
للكاظم دوله كاظميه
للكاظم توجه مسير القافله
والكاظميه تحسهه صارت كربله
يوم الزياره يلمنه مثل العائله
حيو المواكب يا هلا وميت هلا
نفس المسأله والموعد حله رجعت كربلا سافر
نتعب لا افه ابن المصطفى والمروه وصفا حاضر
حجي وعمرتي موسى وفرحتي يحضر غربتي باجر
كل خطوه مغفره وشفاعه
كل خطوه للوكت مناعه
للكاظم حجه عالميه
للكاظم دوله كاظميه
هاي الملايين الوفيه بخدمتك
تخسه الشوارب والنفوس الغدرتك
المو رشيد ندوسه جوه بحضرتك
محضوض الانسان التشمله بنضرتك
يبن الهاشمي الكم ننتمي بيكم نحتمي جينه
ثق يا ابو الرضا شيعه ورافضه يخسه الما رضا بينه
سلطان الوفه شيخ الطائفه سجانك صفه وينه
تاريخك باقي للقيامه
تاريخك بيرغ النشامى
للكاظم شيعه للمنيه
للكاظم ثوره كاظميه
يا سائلا هذا الاسد وابن الاسد
هذا الامام البجه طاغوت العهد
هذا الرجف سجانه وكباله استعد
هسا عرفت افعاله لو كمل بعد
عترة فاطمه انوار السمه خطوا ملحمه قاده
اهل المغفره دمهم لو جره تبدي الاخره ساده
ذريه علي ازغرهم ولي والعالي العلي راده
سجانه اعلن الهزيمه
سجانه بسجدته العضيمه
للكاظم ناخذ التحيه
للكاظم دوله كاظميه
يا سيد الشيعه العظيم المبتلى
لو نافسك أيوب كنت الاولا
كل ضنهم اسمك يندثر لاكن علا
لو هجي تنقاس المراجل لو فلا
عاشورك بده غصبن علا العده روحك خالده واكثر
سجن ملحمه ثوره بلا دمه بيك اهل السمه تفخر
نهجك مدرسه غيرك ينسه يا بدر المسه واكبر
انصاوك وصلوا لقناعه
انصارك منكم الشفاعه
للكاظم ضجت البريه
للكاظم دوله كاظميه
رفع المقطع الصوتي بصيغة MP3
HAMZA ALYASIRI
رد مع اقتباس