هوسات : بنت الرد شمس مرتين
للشاعر : حمزة السماوي
: ليالي استشهاد السيدة زينب (ع)
: ليلة 18 رجب 1446 هـ
: ديوان انصار الحسين (ع) البصرة - الجنينة


بنت الرد شمس مرتين شنهو اليصعب اعليها
اطلب حاجتك هاليوم من زينب وحاجيها
اجيتج من طرف عباس غيرج ماكو يگضيها
ما ردت خادم ينخاها .. الحاضر بالمجلس وياها

زينب دولة بأرض الشام ما تنكسر كلمتها
وشما صار عدهم خير كله من زيارتها
هيبه واگفه لليوم والشاهد منارتها
زلزال الشام ايسموها .. ذلتهم لا ما ذلوها

ما دام احنه موجودين ابد ما ينسلب خدرج
لو بالطيف يأخت حسين محد يوصل الگبرج
بس أشري تطيح الروس والشيعة تحت أمرج
من حيدر فتوة انتانيها .. والشام الطف انسويها