مازالك دريت .. الدنيا مفضوحه
عليمن تنقهر؟,,,, بالجيه والروحه!!
.
ما أريدك اتغلس.... لكن الديوان
مايصرفله صفنه.. الجلمه مشروحه!
.
إجم ديوث!! ماخذ صيته بالغمان
وتلكه إجم أصيل .. إيربي بجروحه!
.
ماتكدر اتناصف ,,,, كفة الميزان@@
اذا سود النوايا ابكفه@ مطروحه!
.
امعاكس الروج,,, ايتعب السفان
و يحسبها ربح من يطلع ابروحه!
.
اذا راس الجبل نار ويطك بركان
كول احجايه غمه المست اسفوحه!!
.
احسلك تعيش ,, ابواهس الدفان
احسن ما تضل ابدمعه مجروحه!
.
الشهم ويه النذل يتساوه بالتربان
بس تلكه اختلاف ,, الكشخه عاللوحه!!
.
ترى ابنادم( كتاب ) ابكصته العنوان.
الحافظ على ( النكطه ) الغانمه اتلوحه!
.
أكو احجايات ...كد مافاهيه يفلان
يحتاجن كفاله ,, ورشة املوحه!
.
ماتقنعني عيد ايهل قبل رمضان
حتى لو تحط ...اكبالي مرجوحه!
حتى لو تحطلي.. اكبالي مرجوحه!!
حسين االساعدي