القصيد : ميته اختكم
الرادود : مسلم الوائلي
الشاعر : عباس طالب السعيدي
____
وينه المايتحمل كلبه
زينب ميته بنص الغربه
سهله ايموت بنادم سهله
بس تابوته امن يضل صعبه
____
شكد صحتكم ميته اختكم
ساعه وحده گابلوني وهاي هيه
زينب تصيح تكوم وتطيح
شيب كبل الدم طلع بجروح اديه

بنياتكم يم راسي كعدن
ويسولفن جم مره ركضن
من سولفن بركاضي يمي
ميته واحس رجليه تعبن

يحسين اختك ياغربته
مثلك مطروحه اجنازتهه
الوان الدنيا المو حلوه
كلهه امتون اختك لمتهه
____
جرح الايام الهيمه والشام
والله كل شلعان كلبي من وراهن
موتي بهداي من وره الماي
مثل كلبي جفوف ابو فاضل خذاهن

تدرون لو لا بالمصيبه
زينب لحد هسه غريبه
لايمي وتزوروني مره
لاانا من عدكم جريبه

موتدرون اشصاير بيه
ميته ومتعوبه العلويه
ترضون ام عون الوحدهه
مسبيه وماتت مسبيه
____
اصعب اساس من تجي الناس
تسأل السجاد هايه فاتحتمن
تنحجي شلون ماتت ام عون
لااخو لامن بنات اعليهه يبجن

عفتوني بالغربه وصحتكم
تحبوني ادري وانا احبكم
كون انا مااكدر اجيكم
جا ما تجون انتم لختكم

من كد ما جنت ابجي وانحب
ضهر عيوني اعليكم حدب
زينب رادتكم جنازه
ياهو العطلكم عن زينب
____
ضيم حالي كبري خالي
الكبر ماينهاب اذا فارغ مكانه
خويه عباس منعوا الناس
جا بعد ويامن ابجي اعليكم انا

شلعان كلبي ودمعه العين
من كالوا العباس جا وين
متعوده وي كلمن يجيني
نتكابل ونبجي اعله الاحسين

وحشه ابلياكم ليليه
والوادم تشمت بيه
محد منكم غمض عيني
محد سائل عني شبيه
____
هدت الخيل وحشه الليل
حته الاتنام بكبره تريد اهلهه
هيه دمعه ويمكم انعه
روحي بيه صياح بس كضهه خجله

يهل الكبر هم يشبه الدار
مو حلوه اذا مابيهه خطار
زوروني لو بالسنه مره
ماريد كبري ابلايه زوار

ماشفت الراحه بعز عمري
خل ادلل وانا بكبري
مثل ضلوع الزهره الراحت
مكسور من الوادم ضهري
____