گضى عمري ولفاني الموت
وعفت للغربة ديره احلام
اليضيع حجايه مايرتاح
وانا مضيعتلي ست ازلام
الذبح كلشي العطش والنار
خذت خدري وبجيت اخيام
ذبح والغربة كلها تهون
لجن كسرة كفاي الشام
الشام...الشام..بدت منه الغربة
وجانت صعبة اطبله بلا حماي
الشام ...الشام...لهسه بگلبي النار
تلگوني احجار شماته لخدري هواي
جانت امنياتي لو كضت حياتي
بالنعش كفيلي يمشي وي مماتي
............... ......... ..............
حوافر وكتي حيل اثگال
وبعد ماضل گلب ينداس
بجه عيوني الدمع والشيب
صبغ لوني الدمع والراس
هظيمة المثلي هيج تروح
بنعش غربه وغريبه الناس
اه لو يگضي التعب بالموت
متت ياروحي والعباس
الموت...الموت ...اخذ من روحي هواي
ماضل وياي ولد لا ضل عوان
الموت ...الموت دنى وماعندي حسين
بس دمع وعين ولا تفزعلي اخوان
ياشذر دلالي غربه غربه حالي
يدنى ليه موتي ومايصحلي غالي
انا المتعبني موش الموت
الكتل. روحي دلالي الراح
يادلال الدللوني وياتعب ذاك الصدك
حسين مابي همه يحجي من الحوافر مختنك
عشت بس مامتت بالكيف
ومتت بس گلبي مامرتاح
منو الگدامه اخو مذبوح
سبي وحدايك الذباح
عطش بس تتعب من الماي
وجرح بس تنتجي اعله ارماح
الناس ...الناس...تضل تشمت بيك
وتصيح اعليك غريب وهاي ايام
الناس...الناس...عليه انا يكولون
مسبيه ام عون هلال نص الشام
زينب الاميره هاي اجت اسيرة
اسمع ودلال ينسبي اعله حيره
يرادله گلبين اخوي افراگه
ياتالي عمري اليخلص اعله الناگه
هلي العلوية رادت عون
هلي الميت يريد اخوان
هلي اهلال المحنه انباگ
وتهت وي سجه الدخان
گضى الطف وشربت الماي
ولهسه وريجي ضل عطشان
هلي وزينب نعشها ايجار
هلي اتحسر على الدفان
الراح....الراح ..خدر وخوان وحيل
وي سحگ الخيل متت مو هسه الموت
الراح...الراح...دلال وعز وجاه
عشت بفرگاه خرابه تصير بيوت
زينب الحبيبه ماتت بمصيبه
والمصيبة جانت صيحوا غريبة
................. . ........
اسم القصيدة: هلي العلوية رادت عون
الملا: امجد الشغانبي
رد مع اقتباس