انا شلعت گلبي زينب تركض ومامستراحه
ليلها تگضي بواجي والله سوه الليل راحه
تمشي ميت ميت الهم تفتر اعله الفارگوها
مدنگة خاف الجيش يدري يركض يجرها من اخوها
هذا اخوي؟!! انتَ اخويي!!
الصبح عفتك كلشي مابيك ومشيت
حسين گوم يلا گوم ...!
تگوم لولا...؟
حسين گوم يلا گوم
احجيلي شنهو الشفته حتى تغيريت
خوية.... حسين اجيت اشكيلك الحال
خوية.... انا اختك الماعدها رجال
يخوتي...انا زينب....انا زينب
.................................................
ياهو ركضت عمته منكم ياهو شاف الي انا شفته
گباله گطعو راس جده وصيحوا طلعوها عمته
السهله كلشي الصعبه اكلف محد مسولف عليها
زينب من الناگه طاحت والحبل جاتف اديها
العطش حار..!.تروح وين؟!
ومات اخوها. گالها ماي انا اجيب
شلن هاي ... زينب اخخ
!صعبه كلش من تفارگلك حبيب..!
زينب....من طلعوها الوادم تشوف
زينب....وجفهه بحبل ياناس مجتوف
انا گلبي انشلع وانتم هم گلبكم مثلي صار..؟
ياهو شايف مثلي منظر عمته تركض بيها نار
هو الركض مو للزلم؟! جا زينب شون اركضت
عدله بس بالاسم زينب من الصبح ميته اعله اخوها
التركض ومحد وراها اهون من الركضوها
عمتي هاي..؟ وانا اشوف!!
تعثر وترجع تگوم بلايا رايي
خيام نار...حسين مات!!!
وهذا كله ومحد مشربها ماي
ركضت....من التل لاخوها وكبرت هواي
ركضت...وتركض وراها اطفال حفاي
يخوتي ....انا زينب....انا زينب
.............................................
هذا والطف والمصيبة الشام لمن يسروها
تمرضت والبين اجاها وماتت وماجاها اخوها
تلتفت مايمها والي وصاحت العباس اريده
نعشي خيشيله اعله متنه حتلو مگطوعه ايده
بلا اخوان....وين اروح..؟
ياهو يتحملني حتى امشي علي
وين اخوي؟.....راح اموت!!!
وانا ماشبعانه منه ومن حجيي
ماتت...وعباس ماهو بصفها وتلوب
ماتت...جا ياهو يدفن زينب انوب؟!
.............................................
الملا: يحيى البنداوي
اسم القصيده: اني شلعت گلبي زينب
رد مع اقتباس