الدنيا الخذت زينب أسيرة
بيها تسلبت چلمة أميرة
شلون وتريد الراحة بيها
أگسر گلبك و عذب مصيره
زينب وين .. چبيرة عُمر بالخمسين
الهيمة وطنها أخت حسين .. زينب وين
زينب وين .. برماح أهلها ماشين
الهيمه وطنها أخت حسين .. زينب وين
ذاتك أكسره عيش غربة ثاگله
زينب خدرهه يريد واحد يبچي اله
عاشت غريبه ماتت غريبه لكربله
غريبه زينب .. غريبه زينب .. غربيه زينب
ها قد خُزينا لمن صاحت
حتى السمه وياها ناحت
و عالتل لمن صاحت يخويه
شو ريحتك بالغبره فاحت
خويه حسين .. سبحان ربي بهاليوم
بالخيل أثار هدوم .. خويه حسين
خويه حسين .. شو چنهم ولوك الگوم
بالخيل آثار هدوم .. خويه حسين
صاحت يخويه .. والضهر خاوي بعد
و دَلالي خويه .. و گلبي والحيل انمرد
و شفت مهرك .. بدونك بدمومه رد
غريبه زينب .. غريبه زينب .. غربيه زينب
من الشوگ ماضمتها خيمة
موطن حزنها چان هيمه
و تغيرت بيها الملامح
وكلشي أختلف بالسبي وضيمه
بگاع الشام .. لسه تشب بيها خيام
و تعيش بالطف أيام .. بگاع الشام
بگاع الشام .. وتدور إلها على أيتام
بگاع الشام ..
ميت صبرها وبيها عايش بس جرح
خلص عمرها وعايشه بنية ذبح
بغربه گَبرهه واليچهبه ينجرح
يا مايله الدنيه ويه زينب .. يا مايله الدنيه ويه زينب
چابتها من طف النوايب
و للغربه ذيچ بهالخرايب
عگب الدلال و عگب الخدور
لحد الگَبر سيل المصايب
نار و خيل .. من تغفه تتخيل ناس
تركض تدور العباس .. نار و خيل
نار و خيل .. و الوادم الميته أحساس
تركض تدور العباس .. نار و خيل
معقوله زينب .. والعشگ چان السبب
متعوبه چانت والحزن أصل التعب
و انخط بگَبرها كل خدرها انسلب
يا مايله الدنيه ويه زينب .. يا مايله الدنيه ويه زينب
ماتت غريبه بلا كفاله
وظل من أهلها بس ثگاله
عَميت عيوني اعله الغريبه
أسئل نعشه ياهو ياهو شاله
ماكو أخوان .. ظل النعش للنسوان
محد فتحله البيبان .. ماكو أخوان
ماكو أخوان ...
.................................................. .........
ملا يحيى البنداوي
أسم القصيدة : زينب وين
رد مع اقتباس
