انا قلبي من كتر الهموم
اتدبح
بيصرخ يا عالم من الجراح
وصوته اتنبح
الواطي فيكي ليه يا دنيا
يبقي الجدع
والغالي يرخص تمنه
بقي مرتجع
الدنيا ماشيه ليه شمال
ناسيه اليمين
والحظ بيلف البلاد
والمجروحين
مالهمش في الحظ ياناس
ونقول يا مين
اديونا من الفرحة شوية
لو يومين
بقينا ليه مش عارفين
مين اتظلم
و مين اللي ظالم مين
جرح الم
يا دنيا فيكي الكدابين
صبحم علم
والصادق الوفي الامين
غير مؤتمن
يمينا بقي زي الشمال
يا دي الزمان
الدنيا حلوه وعال العل
على للي خان
واللي ماشيها حلال
ليه بخته مال
يا دينا احلي ما فيكي
ضاع واتهدم
الاخ ويا الاخ فشوش
وقت الازمات
لما يحتاجله معندوش
مفيش خد وهات
نسي اللي مين رباه زمان
بقي ذكريات
حساب بنكي بيزيد كل يومين
طب ليه ينقص
الدنيا غابة ومين يعيشها
غير القوى
بتجي علي الضعيف ومتقدرشي
علي القوى
ما تعشها نمر كل في الغزالة
لحم طري
يا ما تتاكل يا حلو
من الاسد
بقلمي الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات
رد مع اقتباس