ناذرلك العمر
بريعاني والكُبر
ممنون يحسين
عيشني منكسر
ولخيمه وركض وخدر
ممنون يحسين
الحياة بلايه الحسين
سجن ماينكعد بيه
المحببني بالعيش
خدمتي ودمعتي عليه
الحجي الموبسمه جذاب
وجوب نجيبه طاريه
شبابي هديته
لعيونه وحميته
ضعف ما نطيته
يجاز لكيته
عشگ بس لليعيش للفناء
وبقائه بحبه ما ينعدم
عشگ رايدله واحد غيور
اليحبونه بس الزلم
انشغل ياگلبي بس بل حسين
حسين انتَ الاهم والمهم
المهم الونين
حبيبي حسين
نادم على المضه
وكل خطمتي قضه
ممنون يحسين
من دمعت الرضا
يصب دمعي لوگضه
ممنون يحسين
منو الي حبه بلا شوف
وعشگ واحد على اقوال
العشگ بالدنيا معروف
عشگ مبني على الاشكال
انه حبي ويل الحسين
احبه بكل الاحوال
محبته عجيبه
جماله المصيبه
يأمن عبيده
وعياله غريبه
شريد انطاني قبل السؤال
منو الينطي الي ما اسأله
المصيبه دموعي الي صب عليه
رزق من عده بجيه اله
بجي الكل البجوله محال
يعادل ساعه من كربلاء
البجي الجرح دين
حبيبي حسين
بس لسمك انفجع
وهاتي ترتفع
ممنون يحسين
لو نفسي ينكطع
مافارك الدمع
ممنون يحسين
اذا كل عايش يموت
منو يستاهل ابجيه
الدمع ويه غيره مكروه
لَكن واجب عليه
البجه دمعه على الحسين
دمعته الي تربِيه
الدمع للمخيم
يطفي جهنم
وحيد اليحبه
وغريب البجاه دَم
بداله دموعه دم من بجاه
لأن شاف المصيبه وسمع
سحگ شافه وعطش گلبه نار
رمح من شافه راسه ارتفع
ضعن من دون اخو ولا كفيل
على ضهور الهزيله طلع
يگلبي انتَ وين
حبيبي حسين
ادعي الله من صدگ
يذوبني بالعشگ
ادعي الله من صدگ
يذوبني بالعشگ
ممنون يحسين
لمصابك اختنگ
تشب ناري وحترگ
ممنون يحسين
اضلن من شغل بيك
هي وتسري وي الانفاس
احبن بس الحسين
ماشوفن الناس
هضيمه المثلي يرتاح
وعجيبه المثلك انداس
عجيبه حنانك
شملني امانك
من دور مثيلك
شخلي بمكانك
عجيبه المثلك على التراب
عجيبه المثلي ينبض الگلب
احبك دمعه تروي الضمير
سهل حبك رضاك الصعب
حبيبي رزقني دمعه وثبات
على عقابي خاف انگلب
انه المستكين
حبيبي حسين
تدويني
رد مع اقتباس
