هنا

[كاصد السعيدي]

اذا محد يفگدك لا تعاتب ناس
عيش ويالحياة اسوالف العابر

شكو تراعي بخواطر ناس مهتمين
بغيرك وانت گلبك عالنشد طاير

كض گلبك الشوگ الما تكضه يتيه
يوصلك مرحله الما تگدر اتكابر

وروحك بالحنين اتذلك من تصيح
لا تبقه اعله بابه الماجبر خاطر

ولتضمد الجروح وخلهن مشرعات
الوجع مرات يصبح قوة الصابر

لا تستسهل بحربك وانتفض عالشوگ
الحبيب المنخذل هم ينحسب ثائر

شمايحجب ضواك الغيم هم اتعيش
الشمس تجمع قواها وتنتفض باجر

مو كلمن صعد من كيفه راد يطير
السهم يصعدغريب ومجبر يسافر

اتعلم من عثرتك لا تعيد الصار
ولا تتبع اجدامك خطوة العاثر

السرعة بلا دليل اتيه اليركضون
الضوء ضل بمكانه ويسبگ الغاير

العاجر بالمواقف مو بكثر اطفال
هواي الخلّفت بس بالصدگ عاجر

مرات انسحابك نصر بيه اتجيب
مو كل منسحب معناها رد خاسر

اكتفيت من الوجع مابيه بعد اجروح
اذا كثّرت ناسي الطعن هم يكثر

گصصهم ناشفه وستر الله عالتمساح
عرگ بچفوف اديهم واستحه الخنجر

عيش الوحّدك ضل سيد العاگول
عاش بلا فلح مهيوب ومقدّر

ينشم الورد بس تالي هم ينداس
لكن بالسحگ مابيه بخت شوّر

العاش الوحّده تحترمه كل الناس
رخيص شماغله البفلوس يتسعّر

الغالي المايحده الثمن لوطب سوگ
موش البلوزن محطوط ومعيّر

انه البالخريف ولوني اخضر چان
موش البالمواقف طبعه يتغير

انه طينة الحري وغيري صبخة طين
يضل فاهي البياض بهيبة الأسمر


وسام السعيدي

[عليـﮯ آلبصـرآويـﮯ]

الله.. حلو

[عبير الياسمين]

حلوة جدا عاشت ايدك