(﷽)
قصيدة : مو ساعه وفاتي
للشاعر : حسام الحمزاوي
: وفاة ام البنين (ع)
:ليلة 18 جمادى الأخره 1446
حسينية ومؤسسة مالك الأشتر - ميسان
مو ساعة وفاتي .. هايه ساعة سفر
ويه الفارگوني .. راح اكحل النظر
ما قصر زماني
يوميه أتاني
انكسر ظهري
راحتي بگبري
راح يموت صوت همي
الرجع بس راس
من فگد عباس
ايد بأيد وياي بحلمي
من الفرح انحب
يوم اشوف زينب
ريت وياي تشوف أمي
بلكي من ماتت
من السياط طابت
فراگ حسين متون تدمي
موتني اشتياقي .. بيه يذبح ذبح
بلكت الله اشوفن .. زينب إبلا جرح
موتني حناني
يوميه أتاني
من الصبح لليل
بعيني دوس للخيل
بعين أشوف طفوف نظره
بذني صوت ما راح
للضلع من طاح
احسين إبخيل راح صدره
من الطفل للعم
بعيني اشوف بس دم
النوب اندار شال نحره
كافي اعيش وحدي
ارد اشوف ولدي
إرباي راح ابگاع حمره
هو الولد واحد .. فكده يثلم ثلم
اشلون انا اربعتهم .. رجعوا ابلا جسم
واحد وره ثاني
يوميه اتاني
خل اموت وارتاح
ولا اعيش برماح
موت يوم ولا فرگه
بهالحياة شِلي
مذبحين اهلي
دوس خيل ولا حِرگه
عمري صار كابوس
اربعه بس روس
شلون خيام بنار زرگه
گمت اشوف بالطيف
دم رضيع بالسيف
فوگ اسهام ارماح تشبگه
ما غمضت ساعه فگدي ما ينحمل
يا راحه تجيني بعيني يرفس طفل
من صار بمكاني
يوميه أتاني
ذكريات دنياي
بيها جود ابلا ماي
وين راح الصاح يمه
اربعة خوان
باقيلي حيطان
خوف ليل بيت ظلمه
ما درت ناسي
كربله براسي
الراح گماط انشاف زلمه
خسرت صحتي
من لطم كصتي
شاب الراس وعين تعمه
گدام ابن حذلم .. چن گرب موعدي
يم ضحكة شماته .. الطم الوحدي
وراح وما اجاني
يوميه اتاني
ارد اموت واسأل
ودعت عالتل
شاف عباس اجفوف ظله
جاسماه ويلاه
عرسه صار يو لا
ريت اتطيب اجروح رمله
للحسين امشي
حتى لو بنعشي
الراح ريت گال سهله
حسين اريد صدره
كافي اشوف نحره
ريت جاي حسين كِله
ميته وانا عدله الدنيا ما تندفع
تمر بيه الشماته اكثر من الدمع
كل المر چواني
يوميه اتاني
انا اموت بوداع
بس اعيش بالگاع
الچان وياي وغاب يرجع
لا قصور وخيام
لا حبال لا شام
اهناك وياي حسين يفزع
كلشي راح ما راد
بس اموت ينعاد
وياي بثار المات يطلع
من اموت انسى
ما كمل عرسه
بسيف الگاه جسام يلمع
ما يبرد دليلي .. إلا الله اسأله
امنيتي اشوفن .. بيا جمر حرمله
سهمه ما جزاني
يوميه اتاني
من اموت اكبر
حتى اشوف حيدر
المات صار نور الگبره
ارد اشوف ملگاه
مقصره يو لا
خاف يوم وياه مقصره
انطي فوگ دمعي
للبتول ضلعي
وياج عاد ضلوع مكسره
اسمي اريد يبدي
ويا الحسين جندي
اهدوم سود وعين حمره
بعناد الشماته .. من اندفن بالهظم
هم انصب عزائي .. يمهم اشبع لطم
وهم لحسين اعاني
يوميه اتاني
رد مع اقتباس
