قصيدة : كولو علي
الرادود : سيد فاقد الموسوي
الشاعر :سيد محمد الموسوي
ـــــــــــــــــــــــــ ـــــــــــــــــــــــــ ــــــــــ
تدرون مفتاح الرزق وين كولو علي
وجه الصبح وي فتشة العين كولو علي
تردون يرضه عليكم حسين صيحو علي
الينشد على المرجله منين كولو علي
علي قران علي انسان عضيم المنزله
علي مكتوب كبل لاتصير البسمله
علي بس كول علي وشوف تهون المعضله
مخلف حسين وابو الجود وابو المية هلا
ام الحسن تقبل تريدوها
زورو علي ويمه تنخوها
ترضه هيه حيدريه
بس حيدر يسمونه قتال غيره منو
شبع الطير الفوك الجبال غيره منو
بس علي يسوه يشغل البال غيره منو
وكت الشدد بس اسمه ينكال غيره منو
كولو علي كولو علي
صيحو علي فدوه لعلي
انه وزغير يكولون كبل سامع هلي
مو حلو البيت اذا مانحط بي ولي
وبيها مكتوب شرط لافتئ الا علي
يبقى للموت ابو حسين عشكنه الاولي
بالصبح تركض على الصوره
تتصابح بحيدر تره تزوره
توصي بيده حيدريه
احتار بيك النس والجان كيف بشر
كبل الوحي خاتم القران كيف بشر
اسمك يحيدر ملح الاذان كيف بشر
سيفك مخورس شكو ميدان كيف بشر
كولو علي صيحو علي
فدوه لعلي
علي لولاك تره تضيج ولا طلكت امه
انته جبريل تدلي جنت طرق السمه
الباري ياصوت نطق ومحمد كلمه
الله من راد يجازيك هدالك فاطمه
وعلى الخلك يبقى علي العالي
غالي علينه ونزلا غالي
علي مولا علي مولا
عدنه بطل ماوصفته الناس اسمه علي
الفخر هذا ورفعت الراس اسمه علي
عدنه اسد خلف العباس اسمه علي
عدنه امير ترابه ينباس اسمه علي
كولو علي صيحو علي
فدوه لعلي
عدنه ابو تراب اسد غالب دخيل الجابته
بلحرب جان يهابون فقاره وضربته
للنجف روح علي تشوف امان بحضرته
بالشدد دوم ابو حسين نشدها رايته
فقل علي بالدم تره نطيعه
بس حيدر ترا القائد على الشيعه
علي مولا علي مولا
مضهر عجائب حامي كل جار مولا علي
شمس الله ردها وبيده فقار مولا علي
سمو قسيم الجنه والنار مولا علي
اشجع مقاتل علي الكرار مولا علي
كولو علي صيحو علي
فدوه لعلي
منتصر دوم ابو حسين ولا خاسر حرب
وكت الازماط ابو الثام اسد ماينغلب
تحيرت بيه شسميه وصف حيدر صعب
ياهو وماي يمولاي يدكات الكلب
عالفطره حبينا مو غايه
ياخيمة الشيعة علي رايه
علي مولا علي مولا
ـــــــــــــــــــــــــ ـــــــــــــــــــــــــ ــــــــــــــــ
رد مع اقتباس
المشاركة الأصلية كتبت بواسطة تشيللو
