قصيدة : بابين للحاجة
للشاعر : السيد سجاد القزويني
: وفاة ام البنين (ع)
:ليلة 13 جمادى الأخره 1446
: العتبة العباسية المقدسة - كربلاء
طور : #ميمر_كربلائي
بابين للحاجه اليوم عباس وامه الحره
هالليله اطلب منها لتظل حاير
وام البنين اتگلك ابشر زاير
ماتطلع الا ابفرحه من هالحائر
حلفها بحسين وشوف والفحمه تصبح دره
حاجيها وام عباس ثق اتشوفك
بس اقره ليها الفاتحه ومتعوفك
بجفوف ابنها اتگوم تملي جفوفك
لا ماترجعك مأيوس والشيعي دوم اتبشره
لاتنهضم لو حاجتك معصيه
حلفها بأسم الراضيه المرضيه
تگظيها والعباس الف بالميه
كلش تحب ام حسين ياذيها طاري السطره
هالليله من تطلب ضعف ينطونك
والطفت عينه ابشر يگر عيونك
ام وابنها ابخيبه ميرجعونك
فترة حزن فترة ضيم تخلص هذيج الفتره
من تلزم الشباج كلمه احجيها
عباس احلفك گله بالسابيها
حتى المناره اتگوم تهتز ليها
يقضيها عباس بساع طاري العقيله ايكسره
راعي الكفاله اليوم جرحه ايلچمه
ماحاضر الليله اعله تشييع امه
وينك يبو فاضل تجرحه الكلمه
يتمنه بس عنده جفوف لو مره يرجع عمره
من كربله يبعث سلام هوايه
للگصدو ام الاربعه عنايه
يسلم عليج الشال بيده الرايه
يودي السلام اويه الراح وجواب ظل ينتظره
آه واويلاه يا أم البنين
الطم وأبجي على ام البنين
هاي ضحت من أجل سبط الامين
ام الاقمار الليوث الصابرين
اربعة ولو عدها تنذر اربعين
قدوه هاي لكل نساء المؤمنين
غيره كلها من القدم حد الجبين
حره ما يضعف ابد عدها اليقين
قدمت لحسينها ليوث العرين
لهالسبب ذكراها ظل طول السنين
ابوذيات: مارد ، كفاه
للشاعر : ناظم الحاشي
حزن حسين ظل بالگلب مارد
جفاني واخذ مني الخصم مارد
انا ام البنين وطلب ما ارد
اليقره الفاتحة وصلى عليه
انا ام الزعل والردن كفاه
وانا ابن الگطع لحسين كفاه
ولا جيش العده عالماي كفاه
وكسر خشم الفرات وجاب ميه
رد مع اقتباس