قصيدة : وألجعل أجر و شفه
للشاعر : حمزة السماوي
: وفاة ام البنين (ع)
ليلة 13 جمادى الأخره 1446
: العتبة العباسية المقدسة - كربلاء
طور : #نوحي_على_الأولاد
اي والجعل اجر وشفه ابشمة ترابه
خير العمل أبچوا على حسين ومصابه
أم البنين ابموتتي عندي وصية
ما اريدن أحد لو متت يبچي عليه
ابجوا على الميت عطش بالغاضرية
ام البنين وللگبر ابچي الغيابه
ودع اعياله ومن طلع طاحن بناته
ما عنده اخو ما عنده ابن حاطوا جهاته
صار الترب وي النفس يدخل رئاته
حسين العزيز لوحده ماتوا اصحابه
منعوه يصد اعله الخيم داير مداره
فرقة ابنبل فرقة ابرمح فرقة بحجارة
من شال ثوبه يمسح الدم التجاره
سهم المثلث بالگلب يا ويلي صابه
كلما ثبت فوگ المهر واحد يطيحه
والمشكلة اسهام اشكثر يوگع تجرحه
مو جسم ويلي ابكربله طشروا سبحة
ألف وتسعمية جرح واكثر حسابه
أعياه نزف الدم يون إبني بمنيته
والشمر گاعد عالصدر يضحك لگيته
لإبني يطبره عالوجه ويلزم لحيته
ناده يزينب كافلج طوّل غيابه
مثّلوا بإبني بكربله من چان واگع
الما گدر ياخذ محبسه يگطع اصابع
والحافر ابصدره نزل رايح وراجع
متگطعة ليش السلبت منه ثيابه
طلعت على التل زينبه تلطم حزينة
يا خويه اذا بعدك عدل لحگ علينه
وانچان يا خويه متت يعني انسبينه
نسكن بعد ذاكَ الخدر سجن وخرابة
هذا الحُسين وقصته يستاهل النوح
من الجفن يطلع دمع وي طلعة الروح
هنياله كلمن بالعزه يصرخ يمذبوح
من فاطمة يوم الحشر ياخذ ثوابه
رد مع اقتباس