كلمات قصيدة سائل عالنعش باسم الكربلائي
لطمية سائل عالنعش باسم الكربلائي
قصيدة [ سائل عالنعش ]
ليالي استشهاد أم البنين (ع) 1446 هـ
أداء: الحاج باسم الكربلائي
كلمات: الشاعر إيهاب المالكي
المكان: العتبة_العباسية_المقدسة
بالتعاون مع ديوان أنصار الحسين (ع) كربلاء_المقدسة
القصيدة
سائل عالنعش صاح صاح صاح
شسمه الميت الراح راح راح
گلوله البخت هايه
أم الشايل الراية

بالطفوف وفت دين
فده وحصدت عمرها وانطت الثمرة
للحسين زلم حوك
نطتهم من گلبها فدوة للزهرة
بالدموع گضت ليل
دمع حرگتها ينزل يشبه الجمرة
مزن خوف مطر شيب
كسر خاطرها محد يگدر ايجبره
أم وچم ولد غاب غاب غاب
تنطر دگة الباب باب باب
دگت للحزن ثايه
أم الشايل الراية

خذت دور نطت بي
مثال اعله اليريد تخلده تضحيته
درس خير للأنسان
حسن اخلاقه يرفع من شأن صيته
بعض ناس إذا راح
أثر ما عنده حتى يم أهل بيته
وبعض ناس إذا راح
هوى الله يزور گبره ويفتقد ريته
هاي المرأة بنت جود جود جود
للطف ربت اجنود جنود جنود
عنوان الوفه الغاية
أم الشايل الراية

بالدموع والشموع
حسبت من ظعنها طول اغيابه
والفراگ إذا طال
مو هين على الما يعرف اسبابه
الهوه يجيب حچي اوداع
واتدور ابنسمته كل خبر جابه
يذب روح يحط روحي
حال اليحچي وحده ابفرگة احبابه
چانت تنحب اهواي اهواي هواي
كلما شافت الماي الماي الماي
گلب الوالدة امرايه
أم الشايل الراية

الهموم والآلام
بس هنه يعرفن چم جرح بيها
الأصوات والحروف
شتگول ابحزنها ما توفيها
خله البيت عگب ناس
موجود الأمان ابكل معانيها
خذه الموت الأحباب
ما ظل اليصبر واليواسيها
تسمع مدري يا صوت صوت صوت
تعرف يا خبر موت موت موت
كل راس برمح آية
أم الشايل الراية

سعت روح حوت بيت
بي من الآله اشچم ذكر نازل
نهت دور صدى الذات
إيثار اللي عدها يشده العاقل
مثل هاي الأوصاف
نحتاج لوصفها مصطلح شامل
بعد يا إسم غير
إسم ام الحسين وأم ابو فاضل
ضمت نظرة بالعين عين عين
شافت بيها الحسين حسين حسين
وصلت بالوفه الغاية
أم الشايل الراية

بشر گال الأخبار
وگفت يم نبيها حيرة الفاگد
گضه اسماء الأبناء
گالت ما گلتلي عن أعز واحد
فدت خير الأبطال
وين المن صفاته عابد وزاهد
ميادين مضحين
لاگوها المنايه و ابگلب بارد
ما بيهم وجه دار دار دار
فد صوت وفرد صار صار صار
منطين أمهم احجايه
أم الشايل الراية

صدى النوح نعي الليل
بس ذني تبقن بالعمر إلها
على العين على الراس
گالت للجروح الرافگن ظلها
بچت عام بعد عام
وانهار الدموع استنفذت كلها
مثل هاي الجروح
يا خيط وأصابع تگدر اتشلها
تذكر والدمع سيل سيل سيل
صدر السحگته الخيل خيل خيل
أم وفگدت افيايه
أم الشايل الراية

دنه الموت درت بي
واتقرب عليها واتضح صوته
حچت خوف منو الراح
يشيعلي الجنازه والولد موته
تمنيت الحسين
يشيعني واصير اجنازة مبخوتة
ويجي ايهيل التراب
عباس وافرزن ونته وصوته
ياربي الولد كون كون كون
تحييهم يشيعون يشيعون يشيعون
أم وولدي وفايه
أم الشايل الراية


المقطع الصوتي بصيغة رفع MP3
HAMZA AL-YASIRI