https://youtu.be/Miejl46laho?si=Tei6cAQZGSbl1Bra
يا فرحة اسنيني الخذوهه
وعشرتنه بعدك طشروهه
التتيتم من الزغر شتصير
شتسوه لبنيه بلايه ابوها
انه الزجيه الصب دمعها
ومتحير اخلافك وضعها
اليكسر ضلع يابويه مو باب
افراگك ترى اليكسر ضلعها
وين رايح يابو عمري
يتمتني وكلشي ما شفت بحياتي
بنيتك انه وبويه بعدك
بكثر ماحشم الك تنشف لهاتي
جرح الگلب دفنو طبيبه
وبالعين تطلع شيبه شيبه
وداعا يا رسول الله
بتابوت طولك من لمحته
بعيوني چم واهس ذبحته
لملچوم ساكت من يشوفوه
معناهه كسرت گلب سكته
بگد ما احبنك يغالي
لو غمضت انت اعلى بالي
بالگبر مو بس انت مدفون
وياك هم دفنو دلالي
هاك عمري ورد اليه
يا نبينه الدنيا بعدك
مر طعمها
شلون بويه الزهره بعدك
الموت تعرف من حنان
ايدك حرمها
يلفارگت وجهي بسهوله
ما شفت من عمر الطفوله
وداعا يا رسول الله
اگعد اريد اتعاتب وياك
هم يوم تذكر گلبي عافاك
يابويه گتلي انسيني شتگول
امنين اجيبن گلب ينساك
بنيتك وحگي امن اعاتب
يابويه ذبحتني المصايب
ازغير عمري وشيب اهموم
وصارت ترى بيض الحواجب
طاگ گلبي اعليك والله
صدگ ما شوفك بعد يابو المحنه
هايهيه كلشي رايح
البيت بعدك بويه
ما يتسمه جنه
يا سند عمري الضمه تابوت
يابويه ما لايگلك الموت
وداعا يا رسول الله
ابموتك يبويه اتفرهدينه
والعشره راحت من ادينه
اعتب واعرف اعتابي موزين
لو بس حلم سير علينه
مسموم ميت يا ضوه العين
مو سهله فرگت حد الحسين
بالگبر نايم يا ضوه البيت
مثلك حنين انحصل امنين
هاي حيره شلون حيره
بويه لو ترجعلي
لو وياك اهاجر
حزام ظهري وطاح وسفه
ضلت ابنيتك ترى
مكسوره خاطر
يا كسرت الساده الچبيره
والعيشه صارت كلهه حيره
وداعا يا رسول الله
اگعد اريد اتعاتب وياك
هم يوم تذكر گلبي عافاك
گتلي انسيني شتگول
امنين احيبن گلب ينساك
ابنيتك وحگي امن اعاتب
يا بويه ذبحتني المصايب
ازغير عمري وشيب اهموم
وصارت ترى بيض الحواجب
طاگ گلبي اعليك والله
صدگ ما شوفك بعد يابو المحنه
هايهيه كلشي رايح
البيت بعدك بويه
ما يتسمه جنه
يا سند عمري الضمه تابوت
يابويه لا ما لايگلك الموت
وداعا يا رسول الله
شاعرها / ابو فايز الرافضي
رد مع اقتباس