الأمثال الشعبية المشهورة باللهجة العراقية
هاي 30 مثل وبعد اكيد اكو امثال ما موجودة هنا
فياريت الي حافظ من هذه الامثال يضيفها هنا
حتى تكون مجموعة الامثال متكاملة هنا
1- الشبعان ما يدري بالجوعان.
2- اللي يأكل بضرسه ينفع نفسه
3- الطول طول نخلة ، والعقل عقل الصخلة.
4- اليدري يدري والما يدري كضبة عدس.
5- جانت عايزة و التمت.
6- يركض والعشا خباز
7 بالوجه مراية وبالظهر سلاية .
8- سبع صنايع والبخت ضايع.
9- اعمى يكَود بأعمى.
10- موكل من صخم وجهه كال آني حداد.
11- مثل بلاع الموس.
12- مو كل مدعبل جوز.
13- اتغده بيه، كبل ما يتعشه بيك.
14- من قلة الخيل شدوا على المطاية سروج.
15- ردناه عون طلع فرعون.
16- المبلل ما يخاف من المطر.
17- ابيش ابلشت، يابو بشت.
18- اللي يشوف الموت يرضى بالسخونة .
19- نايم ورجليه بالشمس.
20- الما يعرف يركَص يكَول الكاَع عوجة.
21- تيتي تيتي مثل ما رحتي اجيتي.
22- مانريد العنب نريد سلتنا.
23- اللي ما يجي وياك، تعال وياه.
24- سوي زين، وذبه بالشط.
25- اسمه بالحصاد ومنجله مكسور.
26- مشية شهر ولا عَبرة نهر.
27- القرد بعين امه غزال.
28- الشباك اللي يجيك منه الريح سـده وأستريح.
29- ابويه ما يكدر غير بس على أمي.
30- كلمن يمد رجله على كد ألحافه.
-----------------------
رد مع اقتباس
المشاركة الأصلية كتبت بواسطة عبير الياسمين
