هوسات: أي والبيت وأهل البيت
للشاعر : ناظم الحاشي
: الليالي الفاطمية
:ليلة 6 جمادى الآخرة 1446
:جامع و حسينية المرحوم عبد مسلم أسد الكوفة


اي والبيت واهل البيت والرافع سمه السبعه
ثار البضعه ماننساه لا والخالق البضعه
اولازم ثمن حرگ الباب دافع بابها ايدفعه
بالمحشر يوم ايعذبونه

لحّد يعتقد فد يوم نترك ثارها او ننساه
اوثار ام الحسن كلنه تربينه وكبرنه وياه
الحبها واجب انحبه والعاداهه عاديناه
والعادت فاطم ملعونه

كلمن نِكر حرگ الباب ناكر قتل محسنها
وچن امشارك ابقتله وجن كاسر ظلع منها
وجن بالسوط ضاربها وبالبسمار طاعنها
اومشارك بالصار وياهه

ابوذيات : رديت ، بالدار
للشاعر: ناظم الحاشي


يدهري اشبيك بس وياي ردّيت
وخذت مني الهوى ال بالنِفَس ردّيت
بعد دفن ام حسن للدار ردّيت
الخاطر والظهر مكسور بيه

وگف ضدهه اليساوي الفحم بالدار
وگلبها الحزن يوم الباب بالدار
گالو فاطمه الزهراء بالدار
وإن گال ودفع باب الزچيه