قصيدة : موت الخذاها
للشاعر : احمد الذهبي
: الليالي الفاطمية
:ليلة 6 جمادى الآخرة 1446
:جامع و حسينية المرحوم عبد مسلم أسد الكوفة
:#سور_البنيته
موت الخذاها .. بأمي ايتباها
توگف على هيئة رجل تستقبل الأحزان
لكن جنح فراشة لو تاخذنه بالاحضان
أمي ابوكت چان الستر ما تعرفه النسوان
رب العرش آية ستر نزلها بالقرآن
كونك إلهه .. ابأمي ايتباها
امي ولا صلت قضه ما تعرف التأخير
والأي مكان اتوجهت قبلتها ليها اتدير
التصعب على الدنيا على والدتي سهلة تصير
شايف ولدت زلم بيها الزمان ايحير
الشايف رُبها .. بأمي ايتباها
چانت لبويه امي السند لو دارت الأيام
لو يتعب احزامه على ظهره تصير احزام
من يحچي چانت تنكسر گدامه مثل الجام
ما ندري تفرش چم گلب للوالد امن اينام
ربنه ابدعاها .. بأمي ايتباها
تفتر مثل طير السعد كل مغرب اعله البيت
ياما آذان انا اسمعت منها وگمت صليت
شالوها هيه اعله الگبر واني بگبر طبيت
يم غرفة امي اشما رحت منها ابجرح رديت
طافي ضواها .. بأمي ايتباها
مثل امي قطعاً ما خلق رب العباد اثنين
الكسرت ظهرها اعله الوفه كاسر ضلعها البين
نار وشتم عصره وهضم فوگاها سطرة عين
كلمة وإن چانت سبب موت ام حسن وحسين
طايح ظنها .. بأمي ايتباها
زينب گلبها ابهالوضع من كل كتر مجروح
مثل الحمامه اتذايرت على المحسن المطروح
سافر فكرها الكربله اويه اخوتها من اتروح
من تنتخي ابراعي الوفه وما يفزع المذبوح
سوط السباها .. بأمي ايتباها
ساعة ولادة اي طفل يا حيدر امه اتگول
ليش امنه من صاحت علي والدت طفل مكتول
لا سامح الله الـ عن قتل ام وطفل مسؤول
باجر حسابه اعله الجرم يم الكريم يطول
والقاضي طه .. بأمي ايتباها
رد مع اقتباس