قصيدة : ادخلوها بسلام آمنين
للشاعر : مهيمن الفاطمي
: الليالي الفاطمية
:ليلة 4 جمادى الآخرة 1446
:جامع و حسينية المرحوم عبد مسلم أسد الكوفة
:#يمته_سيفك
في مجالس فاطمه الحب اليقين
( أدْخُلُوهَا بِسَلَامٍ آمِنِين )
لو ردت تفهم مصاديق الغرام
إنتبه لا تغرق ابوحل الحرام
وبمجالس فاطمه الحب والسلام
كلبك ابحب فاطمه حتمن يلين
إكسر ابحب فاطمه كل القيود
وبمجالسها نعم تلكه الخلود
أبقه بيها او ما عسه يفنه الوجود
ابكل فخر بالدنيا ظل رافع جبين
ابمجلس الزهراء تهذيب الذوات
حاله حال الباقيات الصالحات
البي يواضب ما يشم ريح الممات
خالد اشما مرت ايام او سنين
إحذر اتخدعك شياطين الفسوق
او للزجيه طالب ابكل الحقوق
فاطمه الأم لا تجازيها ابعقوق
تبقه طول العمر مكسور او حزين
لا تثمن الظلمه وتبيع النهار
غير حب الزهره ثق يعني انحدار
خلي عندك مبدأ او حُسْن اختيار
من تظل غافل تره نفسك تهين
طَهِّر ابدمعك أحاسيس العيون
واصل ابحب فاطمه الأقصى الجنون
هذا حب حريه والعالم سجون
الزهره يوم المحشر الحصن الأمين
ابوذيات : وراها ، وانا ، منها ليلة ، بس ماي
للشاعر : ناظم الحاشي
چَم آه الحِمَل گلبي وَراهه
إوثوب الحزن غاطيني وراهه
گَبُلها كون مومَيّت وراهه
وَلا أحفر گَبُر فاطِم بديه
يحادي أم الحسَن بالضعَن وآنه
خَل تسمع إبگلبي شلون وآنه
زينب والحسن وحسين وآنه
ثلَاثتنه يِتامه إمن الزچيه
جمر عيني المدامع مِنها ليله
إوتضل بالحزن روحي مِنها ليله
فَلا ليلة إفراگِچ مِنها ليله
فَگِد شخص النبي وفگدچ سويه
دمع من دَم مُحال الدمع بَس ماي
على كوكب الزهره الغاب بس ماي
لَونها صايحه عالباب بس ماي
لَخَلّي الدم نهر فوگ الوطيه
رد مع اقتباس